«ادىرنا» اقپاراتتىق اگەنتتىگى وقىرماندارعا قىزىعىراق بولار دەگەن ويمەن اقتوبە وبلىسىنىڭ تىنىس-تىرشىلىگى تۋرالى سۇحباتتار مەن ماقالالار سەرياسىن ۇيىمداستىرۋدى قولعا العان ەدى. ەندەشە وبلىستىڭ قوعامدىق-ساياسي احۋالى تۋراسىنداعى پورتال تىلشىلەرىنىڭ اقتوبە وبلىسىنىڭ اكىمى ورازالين وڭداسىن سەيىلۇلىنان العان مالىمدەمەسىن نازارلارىڭىزعا ۇسىنامىز.
اقتوبە وبلىسى بويىنشا قوعامدىق ساياسي احۋال تۇراقتى. جىل سايىن وبلىسىمىزداعى قوعامدىق احۋالدى انىقتاۋ ماقساتىندا الەۋمەتتىك زەرتتەۋلەر تۇراقتى جۇرگىزىلەدى. جۇرگىزىلگەن الەۋمەتتىك زەرتتەۋلەر وبلىس تۇرعىندارىنىڭ مەملەكەت تاراپىنان جاسالىپ جاتقان جۇمىستارىن قولدايتىندىعىن كورسەتەدى. وبلىس باسشىلىعى تۇرعىنداردىڭ كوكەيكەستى ماسەلەلەرىنە (جولدى جوندەۋ، اباتتاندىرۋ، كوشەلەردى جارىقتاندىرۋ، مەكتەپ، بالاباقشا سالۋ ت.ب.) كوپ كوڭىل بولۋدە. مۇنىڭ بارلىعى تۇرعىنداردىڭ ريزاشىلىعىنا يە بولۋدا. «رۋحاني جاڭعىرۋ باعدارلاماسى اياسىندا اعىمداعى جىلى جەرلەس-مەتسەناتتارىنىڭ كومەگىمەن بارلىعى 945 ملن. 835 مىڭ تەڭگەگە 368 جوبا جۇزەگە اسىرىلدى. ونىڭ ىشىندەگى ءىرى جوبالار – اقتوبە قالاسىندا «ەر ەدىگە» قوعامدىق قورىنىڭ دەمەۋشىلىگىمەن جوبا قۇنى 40 ملن. تەڭگە تۇراتىن ەر ەدىگە باتىردىڭ ەسكەرتكىشى جانە جوبا قۇنى 120 ملن. تەڭگەنى قۇرايتىن ەسەت باتىر كوكىۇلىنىڭ ەسكەرتكىشى، جوبا قۇنى 7 ملن. تەڭگە تۇراتىن «تاۋكە حان» سپورت الاڭى اشىلدى. وبلىستا جاريالانعان كارانتين كەزىندە قايرىمدىلىق شارالاردىڭ دا سانى ارتتى. وبلىسىمىزدا قايرىمدىلىق شارا بويىنشا قايىرىمدى مەتسەنانتتار مەن ۆولونەتەرلار قاتارىنىڭ سانى ارتىپ كەلەدى. توتەنشە جاعداي رەجيمىندە وبلىستىق ۆولونتەرلار شتابى كۇرىلىپ، قۇرامىنا 300-دەن استام ۆولونتەر جۇمىلدىرىلدى توتەنشە جاعداي رەجيمى كەزىندە ۆولونتەرلارمەن #بىزبىرگەمىز اكتسياسى اياسىندا بارلىعى 374 شارا ۇيىمداستىرىلىپ، 4356 وتباسىعا ازىق-تۇلىك، 16 مىڭ ادامعا مەديتسينالىق ماسكالار تاراتۋدا، ءۇي جاعدايىندا ەم قابىلدايتىن 200 ارداگەر قارتتارعا جەرگىلىكتى پوليكلينيكالاردان ءدارى-دارمەكتەر جەتكىزۋ جۇمىستارى ۇيىمداستىرىلدى. وبلىستىڭ جەكە كاسىپكەرلەرى تاراپىنان «ءبىز-بىرگەمىز» اكتسياسى قولداۋ تاۋىپ،وبلىسىمىزداعى الەۋمەتتىك تۇرعىدان وسال توپتاعى 10873 وتباسىنا 73,8 ملن تەڭگە كولەمىندەگى (ازىق-تۇلىك پاكەتى، گيگيەنالىق قۇرالدار، ماسكا جانە اقشالاي قايىرىمدىلىق) كومەكتەر كورسەتىلدى.
«ادىرنا» ۇلتتىق پورتالى
