«ادىرنا» اقپاراتتىق اگەنتتىگى وقىرماندارعا قىزىعىراق بولار دەگەن ويمەن اقتوبە وبلىسىنىڭ تىنىس-تىرشىلىگى تۋرالى سۇحباتتار مەن ماقالالار سەرياسىن ۇيىمداستىرۋدى قولعا العان ەدى. ەندەشە وبلىستىڭ الەۋمەتتىك-ەكونوميكالىق دامۋ دەڭگەيى تۋراسىنداعى پورتال تىلشىلەرىنىڭ اقتوبە وبلىسىنىڭ اكىمى ورازالين وڭداسىن سەيىلۇلىنان العان مالىمدەمەسىن نازارلارىڭىزعا ۇسىنامىز.
الەمدەگى بولىپ جاقتان پاندەميانىڭ سالدارى ءوڭىر ەكونوميكاسىنىڭ دامۋ دەڭگەيىن باسەڭدەتتى. الايدا دەر كەزىندە قابىلدانعان شارالاردىڭ ناتيجەسىندە ا.ج. 9 ايىنىڭ قورىتىندىسىنا سايكەس اقتوبە وبلىسىندا باستى ماكروەكونوميكالىق كورسەتكىشتەر بويىنشا تۇراقتى جاعداي ساقتالۋدا. ونەركاسىپ ءوندىرىسىنىڭ كولەمى 1,2ترلن.تەڭگەنى نەمەسە ناقتى كولەم يندەكسى (بۇدان ءارى - نكي) 100,1%، اۋىل شارۋاشىلىعى 236,4 ملرد. تەڭگەنى (نكي - 104,1%), قۇرىلىس كولەمى 145,2 ملرد. تەڭگەنى (نكي - 116,4%) قۇرادى.
پايدالانۋعا 558 مىڭ شارشى مەتر تۇرعىن ءۇي بەرىلدى نەمەسە 2019 جىلدىڭ سايكەس كەزەڭىنە 103,6%. ءوڭىردىڭ ەكونوميكاسىنا تارتىلعان ينۆەستيتسيا كولەمى 410,4 ملرد.تەڭگەنى نەمەسە 2019 جىلدىڭ سايكەس كەزەڭىمەن سالىستىرعاندا 108,8% قۇرادى.
2020 جىلى يندۋستريالاندىرۋ كارتاسى اياسىندا 1 156-دان استام جۇمىس ورنىن قۇرۋمەن 138,3 ملرد. تەڭگە سوماسىنا 23 جوبا ىسكە اسىرىلۋدا. ونىڭ ىشىندە، جالپى سوماسى 20,1 ملرد. تەڭگە قۇرايتىن 6 جوبا پايدالانۋعا بەرىلدى. قوسىمشا 310 جاڭا جۇمىس ورنى قۇرىلدى.
2020 جىلدىڭ قاڭتار-قىركۇيەك ايلارىندا شاعىن جانە ورتا كاسىپكەرلىك سالاسىندا جۇمىس ىستەيتىن سۋبەكتىلەردىڭ سانى 60,8 مىڭ بىرلىكتى نەمەسە 2019 جىلدىڭ سايكەس كەزەڭىنە 102,7% قۇرادى. جالپى، 2020 جىلدىڭ 9 ايىندا 19,9 مىڭ جاڭا جۇمىس ورنى قۇرىلدى. جالپى جۇمىسسىزدىق دەڭگەيى - 4,9%. وبلىسىمىزدا ا.ج. 9 ايىندا ينفلياتسيا دەڭگەيى رەسپۋبليكالىق كورسەتكىشتەن تومەن – 104,6% قۇرادى (قر – 104,9%).
«ادىرنا» ۇلتتىق پورتالى
