قازاقستان ازيا دامۋ بانكىنەن 908 ميلليون ەۋرو قارىز الادى. بۇل تۋرالى بۇگىن ءماجىلىستىڭ جالپى وتىرىسىندا قارجى ءمينيسترى ەرۇلان جاماۋباەۆ مالىمدەدى. ونىڭ ايتۋىنشا، بۇل قاراجات ەسەبىنەن كەلەر جىلدىڭ بيۋدجەتتىك تاپشىلىعى وتەلەدى، دەپ حابارلايدى «ادىرنا» ۇلتتىق پورتالىنا «حابار 24»-كە سىلتەمە جاساپ.
ياعني اقشا كوروناۆيرۋس ىندەتىمەن كۇرەسۋگە جانە ەل ەكونوميكاسىن قالپىنا كەلتىرۋگە جۇمسالماق. بۇل قارىز 2 بولىكتەن 10 جىل ىشىندە قايتارىلۋى ءتيىس. سونداي-اق مينيستر ازيانىڭ ينفراقۇرىلىمدىق ينۆەستيتسيالار بانكىنەن دە شامامەن 662 ميلليون ەۋرو الۋ كوزدەلگەنىن حابارلادى.
ءماجىلىس توراعاسى نۇرلان نىعماتۋلين بۇل قاراجاتتىڭ ورىندى جۇمسالۋ قاجەتتىلىگىن ەسكەرتتى.
«ادىرنا» ۇلتتىق پورتالى
