تالاعىشتارعا تاعى ءبىر تاقىرىپ!
توزاقتا جاتقان ءبىر شەرمەندەگە بىرەۋ كەلىپ،سەنى شىعارىپ الايىن با دەسە،الگى شەرمەندە:جوق،كەرەك ەمەس!ۇيرەنىپ قالدىم ،-دەپتى. ول نەگە ەسىمە ءتۇسىپ وتىر؟يتشە تالاسا تالاسىن،بىراق كەيبىرەۋلەردىڭ جانە تۇركيا تۇركىتىلدى ەلدەردى بىرىكتىرمەكشى،قازاقستاندى دا قوسىپ الماقشى دەگەنقازەكەمدەردىڭ الدە شىن،الدە جاساندى قورقىنىش-سىماعىن وقىپ،ولارعا كەيبىر الدە شىن نادان،الدە ادەيى وتىرىك مىستان نادانداردىڭ قوسىلىپ قىڭسىلاعانىن فب دان وقىپ وتىرىپ جانە سوعان ءبىرتالاي جۇرتشىلىقتىڭ ويلانىپ ۇرەيلەنە قاراي باستاعانىن كورىپ وتىرىپ، وسى جەكەلەگەن ناداندار مەن رەسەيشىل،ورىسشىل قۇلمىنەزدەر عانا ەمەس، جاپپاي ۇلتتىق قورسوقىرلىق جانۋاري سانا ءبىزدىڭ ميىمىزعا ماڭگىلىككە ءسىڭىپ ،ماڭگىلىككە ورنىققان با دەپ قورقامىن.اسىرەسە،الگىندەي قازەكەمدەردىڭ ويباي،تۇركيا وسمان يمپەرياسىن قۇرماقشى دەگەن رەسەي يمپەرياشىل ساياساتكەرلەرىنىڭ سۇرقيالىعىن قايتالايتىنىن، ەندى ءبىر قازەكەمدەردىڭ سولارعا قوسىلىپ، ويباي تۇركيانىڭ قۇرامىنا كىرىپ كەتپەيىك دەگەن جالعان ۇرەيىن وقىعاندا توزاققا تۇسكەن ءبىر پەندەگە ءۇش كۇننەن كەيىن بىرەۋ كەلىپ: توزاقتان شىعارىپ الايىن با دەسە،"جوق، كەرەگى جوق، وسىندا ۇيرەنىپ قالدىم" دەپتى دەگەن ءتامسىل ەسكە تۇسەدى.ءيا،ءتورت عاسىرعا جۋىق ۋاقىتتان بەرى رەسەيدىڭ تەمىر بۇعاۋىنان ءالى دە تۇگەل ارىلىپ بولماعان قازەكەمنىڭ ۇلى تۇركى جۇرتى قۇرامىندا بولۋدان قورقۋىنا قانىنا ،الپىس ەكى تامىرىنا ءسىڭىپ كەتكەن قۇلمىنەزدىك پەن قۇلدارعا ءتان كونبىستىك تە كىنالى شىعار.ال تۇركىتىلدەس باۋىرلار بىرلەسەيىك دەگەن ەردوعان ءسوزىن ەستىپ،عۇمىر بويى سونى ارمانداپ شەرمەندە بوپ وتكەن مۇستافا شوقاي جاتقان جەرىندە ءبىر اۋناپ تۇسكەن بولار،جارىقتىق! 21 -ءشى عاسىردىڭ ورتاسىنا كەپ قالدىق قوي، رەسەيشىل،ورىسشىل جانۋاري-قۇلمىنەزدەن ارىلىپ، تۇركى الەمىن قۇرۋعا باسقا باۋىرلارىمىزشا ءبىز دە اتسالىسايىق تا،قازەكەم-اۋ! تاۋەلسىزدىك الدىق دەپ قانشا جەردەن قويداي شۋىلداساق تا "بىلىنبەيتىن باياۋ ولىممەن" (مەدلەننايا سمەرت) جويىلىپ باراتقانىمىزدىڭ جۇزدەگەن سەبەپتەرىن ايتپاعاندا بۇگىنگى جاس ۇرپاعىڭنىڭ 98 پايىزى ءشۇبارتىل ەكەنى جانە ءدىنىڭدى الدەبىر وتىرىك ۇلتسۇيەرلەر بولشەكتەپ جاتقانى-اق كورسەتىپ تۇرعان جوق پا،قايران،قازەكەم -اۋ؟!
مىرزان كەنجەباي: تۇركى ەلى بولۋدان نەگە قورقامىز؟
23.11.2020
2845
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз