باقىتجان ساعىنتاەۆ الماتى قالاسىنا كىرەتىندەرگە جانە شىعاتىندارعا شەكتەۋ قويىلۋى مۇمكىن ەكەنىن ايتتى، دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.
مەگاپوليس باسشىسى «الماتى» ارناسىنىڭ Akimat LIVE تىكەلەي ەفيرىندە قالاعا بلوكپوستار قويىلۋى مۇمكىن ەكەنىن ءمالىم ەتتى. «الماتىنىڭ جابىلاتىنى نەمەسە جابىلمايتىنى وزىمىزگە بايلانىستى. ەگەر دە ساقتىق شارالارىن ساقتاماساق، ماسكا تاقپاساق، ارا قاشىقتى ساقتاماساق، توي تويلاپ جۇرەتىن بولساق، امال جوق سول جاعدايعا كەلۋىمىز مۇمكىن. سوندىقتان سانيتارلىق تالاپتى قاتاڭ ساقتاۋ قاجەت»، - دەدى باقىتجان ساعىنتاەۆ.
اكىمنىڭ ايتۋىنشا، وبلىس تۇرعىندارىنىڭ باسىم بولىگى الماتى قالاسىندا جۇمىس ىستەيدى. «ءبىز الماتى ماڭىنداعى اۋدانداردان بولەكتەنە المايمىز. سەبەبى، كوپ ادام سول وبلىستان قاتىناپ جۇمىس ىستەيدى. بۇل تەك شاعىن كاسىپورىندار دا عانا ەمەس مەملەكەتتىك قىزمەتتە جۇمىس ىستەپ جاتقاندار دا بار. قايتالاپ ايتامىن، تالاپتى ساقتايىق. ايتپەسە، امال جوق بلوكپوست قويۋعا تۋرا كەلەدى»، - دەدى اكىم.
فوتو اشىق دەرەككوزدەن الىندى
"ادىرنا" ۇلتتىق پورتالى
