ەلباسى اكادەمياسىنىڭ قامقورشىلار كەڭەسىنىڭ وتىرىسى ءوتتى، وندا 2020 جىلى «ەل ءۇمىتى» باستاماسىن ىسكە اسىرۋدىڭ ناتيجەلەرى قارالدى. 2019 جىلى قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن.ءا. نازارباەۆ ەلىمىزدىڭ دارىندى جاستارىن انىقتاۋ جانە قولداۋ بويىنشا «ەل ءۇمىتى» باستاماسىن ۇسىندى. «ەل ءۇمىتى» باستاماسىن ىسكە اسىرۋدى باسقارۋ جونىندەگى جاۋاپتى ۇيىم بولىپ 2019 جىلدىڭ قىركۇيەگىندە نۇرسۇلتان نازارباەۆ قورى جانىندا قۇرىلعان «ەلباسى اكادەمياسى» كورپوراتيۆتىك قورى بەلگىلەندى.
ونلاين فورماتتا وتكەن ەلباسى اكادەمياسىنىڭ قامقورشىلار كەڭەسىنىڭ وتىرىسىن قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى، قامقورشىلار كەڭەسىنىڭ توراعاسى اسەت يسەكەشەۆ اشتى. ول ءوز سوزىندە قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ «ەل ءۇمىتى» باستاماسى وتكەن جىلدىڭ قاراشا ايىنان باستاپ جۇزەگە اسىرىلىپ كەلە جاتقانىن اتاپ ءوتتى.
«پاندەمياعا قاراماستان، بارلىق جوبالار ءساتتى جۇزەگە اسىرىلۋدا جانە جاستار اراسىندا وزەكتىلىگىن دالەلدەدى. باستاماعا ەنگىزىلگەن جوبالار - «مىڭ بالا»، «ەلباسى مەدالى»، وزگەرىستەردى باسقارۋ جونىندەگى سالالىق مەنەدجەرلەردى دايارلاۋ باعدارلاماسى جانە باسقا جوبالار ماڭىزدىلىعىن دالەلدەپ، ەل ۇكىمەتى تاراپىنان جوعارى باعالانعان بولاتىن. جالپى جوبالار اياسىندا 350 مىڭنان استام قاتىسۋشى قامتىلدى»، - دەدى ءا.يسەكەشەۆ.
كەڭەس وتىرىسىنا سينگاپۋردىڭ ەكونوميكالىق دامۋ جانە يننوۆاتسيالىق مەنەدجمەنت كومپانياسىنىڭ (EDIS) توراعاسى فيليپ يەو, قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى شولپان كارينوۆا, نازارباەۆ ۋنيۆەرسيتەتىنىڭ جوعارى مەملەكەتتىك ساياسات مەكتەبىنىڭ دەكانى ۆەنگ تات حۋەي, قازاق مەملەكەتتىك زاڭ ۋنيۆەرسيتەتىنىڭ رەكتورى تالعات نارىكباەۆ, BTS Digital ءبىلىم بەرۋ ورتالىعىنىڭ جەتەكشىسى ساياسات نۇربەك, «نازارباەۆ قورى» دببۇ-نىڭ باس ساراپشىسى نازيپا ايۋباەۆا جانە«Bilim Foundation» قورىنىڭ اتقارۋشى ديرەكتورى راۋان كەنجەحانۇلى قاتىستى.
ونلاين-كەزدەسۋ بارىسىندا ەلباسى اكادەمياسىنىڭ ديرەكتورى فارحاد قۋانعانوۆ قامقورشىلار كەڭەسى مۇشەلەرىنە جوبالاردى ىسكە اسىرۋدىڭ ارالىق ناتيجەلەرىمەن تانىستىرىپ، 2021 جىلعا ارنالعان جوسپارلارمەن ءبولىستى.
«جوبالارعا دەگەن قىزىعۋشىلىق ساندىق كورسەتكىشتەرمەن راستالادى - ساراپشىلار، اتا-انالار، مۇعالىمدەر جانە جۇمىس ىستەيتىن جاستار اراسىندا نۇرسۇلتان نازارباەۆ قورىنىڭ «ەل ءۇمىتى» ءبىلىم بەرۋ پورتالى بويىنشا جالپى قامتۋ 1,5 ميلليون ادامدى قامتىسا، جوبالار بويىنشا اقپارات كورسەتىلىمى 3 ميلليونعا جەتتى»، - دەدى ف.قۋانعانوۆ ءوز بايانداماسىندا.
جيىندا سونداي-اق «ەل ءۇمىتى» باستاماسىنىڭ ءتۇرلى باعىتتاعى جوبا ۇيلەستىرۋشىلەرى دە ءوز جۇمىستارى تۋرالى جان-جاقتى حاباردار ەتتى.
اۋىل وقۋشىلارىنا ارنالعان «مىڭ بالا» ۇلتتىق وليمپيادا جوباسىنىڭ ۇيلەستىرۋشىسى جازيرا اسانوۆا جوباعا بيىل 4 مىڭنان استام اۋىلدىق مەكتەپ، 295 مىڭ وقۋشى، 600 مىڭ مۇعالىم مەن اتا-انانىڭ قامتىلعانىن اتاپ ءوتتى. وليمپيادا ناتيجەسىندە 1000 جەڭىمپاز ىرىكتەلدى، بۇگىنگى تاڭدا اتالعان جەڭىمپازدار مەن وليمپيادا ۇزدىكتەرى دارىندى بالالارعا ارنالعان مامانداندىرىلعان مەكتەپتەردە جانە ەلباسى اكادەمياسى جانىنداعى «Birge oqý» ونلاين مەكتەبىندە وقۋىن جالعاستىرىپ جاتقانىن تىلگە تيەك ەتتى. سونداي-اق، وقۋعا تۇسكەن بالالار اراسىندا بىلىمدە الشاقتىق بار ەكەنىن، الايدا بالالار بارىن سالىپ، توقساندى «جاقسى» جانە «ۇزدىك» دەڭگەيىندە اياقتاعانىن اتاپ ءوتتى.
كەلەسى جوبا «ەلباسى مەدالى» كەڭ اۋقىمدى چەللەندجى. بۇگىنگى تاڭدا باعدارلاما 14 پەن 29 جاس ارالىعىنداعى 11 مىڭنان استام جاستى قامتىپ وتىر. «ەلباسى مەدالى» — جاستارعا قوسىمشا ءبىلىم مەن تاربيە بەرۋدىڭ ەڭ قولجەتىمدى باعدارلاماسى. كەلەسى جىلى 20 مىڭ قاتىسۋشىنى قامتۋ كوزدەلگەن.
بۇدان بولەك، نۇرسۇلتان نازارباەۆ قورى قازاقستان رەسپۋبليكاسىنىڭ ۇكىمەتىمەن بىرلەسىپ جۇزەگە اسىرىپ جاتقان وزگەرىستەردى باسقارۋ جونىندەگى سالالىق مەنەدجەرلەردى دايارلاۋ باعدارلاماسى اياقتالۋعا جاقىن. جوبا اياسىندا 3 مىڭ ۇمىتكەردىڭ اراسىنان 230 بىلىكتى مامان ىرىكتەلىپ، قازىرگى تاڭدا ولار ەلىمىزدىڭ ەكونوميكاسىنىڭ دامۋىنا اسەر ەتەتىن 11 نەگىزگى سالا بويىنشا وزگەرىستەر مەن جاڭاشىلدىق ازىرلەيتىن 37 توپ قۇرىلدى. قازىرگى ۋاقىتتا 10 سالالىق توپ قر پرەمەر-ءمينيسترى باستاعان باسقارۋ كوميتەتىنە ءوز ۇسىنىستارىن تاپسىردى، قالعان توپتار جىل سوڭىنا دەيىن ءوز ۇسىنىستارىن ءتيىستى ورگاندارعا جەتكىزەتىن بولادى.
سونىمەن قاتار، قاشىقتان وقىتۋ سالاسىن قامتيتىن جوبالار بويىنشا ۇيلەستىرۋشىلەردىڭ ەسەپتەرى تىڭدالدى –"Birge oqý" ونلاين مەكتەبى جانە تسيفرلىق اكادەميا, دارىندى وقۋشىلاردىڭ قابىلەتتەرىن انىقتاۋ جانە قولداۋ بويىنشا "Qabilet" قىزمەتى, حالىقارالىق وليمپياداجۇلدەگەرلەرىن كوتەرمەلەۋ بويىنشا "El maqtanyshy" سىيلىعى.
لوكداۋن كەزەڭىندە "Birge oqý" ونلاين مەكتەبى مەن تسيفرلىق اكادەميا جوبالارى ەل مەكتەپتەرىن قاشىقتان وقىتۋعا كوشۋدە ماڭىزدى ءرول اتقارعانىن اتاپ وتكەن ءجون. 10 مىڭعا جۋىق پەداگوگ قاتىسقان سەمينارلار مەن ترەنينگتەردىڭ ارقاسىندا ونلاين-وقىتۋ الدىنداعى پسيحولوگيالىق كەدەرگىلەر جويىلدى، 3 مىڭ مۇعالىم تسيفرلىق مەنتور كۋرسىن ءساتتى اياقتاپ، سەرتيفيكاتتارىن الدى.
شارا سوڭىندا اسەت يسەكەشەۆ قامقورشىلىق كەڭەس مۇشەلەرىنە ريزاشىلىعىن ءبىلدىرىپ، جوبالاردى جۇزەگە اسىرۋدا ءوزارا ءىس-قيمىلدى جالعاستىرۋعا تىلەك ءبىلدىردى: "قيىندىقتارعا، ونىڭ ىشىندە ەپيدەميولوگيالىق قيىندىقتارعا قاراماستان، ەلباسى اكادەمياسى قىسقا مەرزىم ىشىندە اۋىل وقۋشىلارىنا قولداۋ كورسەتۋگە جانە قازاقستاندىق جاستار اراسىندا تالانتتاردى انىقتاۋ جۇيەسىنە ءوز ۇلەسىن قوستى" دەپ اتاپ ءوتتى ول.
ءمادينا سۇلتانوۆا،
«ەلباسى اكادەمياسى»
كورپوراتيۆتىك قورىنىڭ
ءباسپاسوز-حاتشىسى.
