Elbasy Akademııasynyń Qamqorshylar keńesiniń otyrysy ótti, onda 2020 jyly «El Úmiti» bastamasyn iske asyrýdyń nátıjeleri qaraldy. 2019 jyly Qazaqstan Respýblıkasynyń Tuńǵysh Prezıdenti - Elbasy N.Á. Nazarbaev elimizdiń daryndy jastaryn anyqtaý jáne qoldaý boıynsha «El Úmiti» bastamasyn usyndy. «El Úmiti» bastamasyn iske asyrýdy basqarý jónindegi jaýapty uıym bolyp 2019 jyldyń qyrkúıeginde Nursultan Nazarbaev Qory janynda qurylǵan «Elbasy Akademııasy» korporatıvtik qory belgilendi.
Onlaın formatta ótken Elbasy Akademııasynyń Qamqorshylar keńesiniń otyrysyn Qazaqstan Respýblıkasy Prezıdentiniń kómekshisi – Qaýipsizdik Keńesiniń hatshysy, Qamqorshylar keńesiniń tóraǵasy Áset Isekeshev ashty. Ol óz sózinde Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń «El Úmiti» bastamasy ótken jyldyń qarasha aıynan bastap júzege asyrylyp kele jatqanyn atap ótti.
«Pandemııaǵa qaramastan, barlyq jobalar sátti júzege asyrylýda jáne jastar arasynda ózektiligin dáleldedi. Bastamaǵa engizilgen jobalar - «Myń bala», «Elbasy medali», ózgeristerdi basqarý jónindegi salalyq menedjerlerdi daıarlaý baǵdarlamasy jáne basqa jobalar mańyzdylyǵyn dáleldep, el Úkimeti tarapynan joǵary baǵalanǵan bolatyn. Jalpy jobalar aıasynda 350 myńnan astam qatysýshy qamtyldy», - dedi Á.Isekeshev.
Keńes otyrysyna Sıngapýrdyń ekonomıkalyq damý jáne ınnovaııalyq menedjment kompanııasynyń (EDIS) tóraǵasy Fılıp Ieo, Qazaqstan Respýblıkasynyń bilim jáne ǵylym vıe-mınıstri Sholpan Karınova, Nazarbaev Ýnıversıtetiniń Joǵary memlekettik saıasat mektebiniń dekany Veng Tat Hýeı, Qazaq memlekettik zań ýnıversıtetiniń rektory Talǵat Nárikbaev, BTS Digital bilim berý ortalyǵynyń jetekshisi Saıasat Nurbek, «Nazarbaev Qory» DBBU-nyń bas sarapshysy Nazıpa Aıýbaeva jáne«Bilim Foundation» qorynyń atqarýshy dırektory Raýan Kenjehanuly qatysty.
Onlaın-kezdesý barysynda Elbasy Akademııasynyń dırektory Farhad Qýanǵanov Qamqorshylar keńesi múshelerine jobalardy iske asyrýdyń aralyq nátıjelerimen tanystyryp, 2021 jylǵa arnalǵan josparlarmen bólisti.
«Jobalarǵa degen qyzyǵýshylyq sandyq kórsetkishtermen rastalady - sarapshylar, ata-analar, muǵalimder jáne jumys isteıtin jastar arasynda Nursultan Nazarbaev qorynyń «El Úmiti» bilim berý portaly boıynsha jalpy qamtý 1,5 mıllıon adamdy qamtysa, jobalar boıynsha aqparat kórsetilimi 3 mıllıonǵa jetti», - dedi F.Qýanǵanov óz baıandamasynda.
Jıynda sondaı-aq «El Úmiti» bastamasynyń túrli baǵyttaǵy joba úılestirýshileri de óz jumystary týraly jan-jaqty habardar etti.
Aýyl oqýshylaryna arnalǵan «Myń bala» Ulttyq olımpıada jobasynyń úılestirýshisi Jazıra Asanova jobaǵa bıyl 4 myńnan astam aýyldyq mektep, 295 myń oqýshy, 600 myń muǵalim men ata-ananyń qamtylǵanyn atap ótti. Olımpıada nátıjesinde 1000 jeńimpaz irikteldi, búgingi tańda atalǵan jeńimpazdar men olımpıada úzdikteri daryndy balalarǵa arnalǵan mamandandyrylǵan mektepterde jáne Elbasy Akademııasy janyndaǵy «Birge oqý» onlaın mektebinde oqýyn jalǵastyryp jatqanyn tilge tıek etti. Sondaı-aq, oqýǵa túsken balalar arasynda bilimde alshaqtyq bar ekenin, alaıda balalar baryn salyp, toqsandy «jaqsy» jáne «úzdik» deńgeıinde aıaqtaǵanyn atap ótti.
Kelesi joba «Elbasy medali» keń aýqymdy chellendji. Búgingi tańda baǵdarlama 14 pen 29 jas aralyǵyndaǵy 11 myńnan astam jasty qamtyp otyr. «Elbasy medali» — jastarǵa qosymsha bilim men tárbıe berýdiń eń qoljetimdi baǵdarlamasy. Kelesi jyly 20 myń qatysýshyny qamtý kózdelgen.
Budan bólek, Nursultan Nazarbaev qory Qazaqstan Respýblıkasynyń Úkimetimen birlesip júzege asyryp jatqan ózgeristerdi basqarý jónindegi salalyq menedjerlerdi daıarlaý baǵdarlamasy aıaqtalýǵa jaqyn. Joba aıasynda 3 myń úmitkerdiń arasynan 230 bilikti maman iriktelip, qazirgi tańda olar elimizdiń ekonomıkasynyń damýyna áser etetin 11 negizgi sala boıynsha ózgerister men jańashyldyq ázirleıtin 37 top quryldy. Qazirgi ýaqytta 10 salalyq top QR Premer-Mınıstri bastaǵan basqarý komıtetine óz usynystaryn tapsyrdy, qalǵan toptar jyl sońyna deıin óz usynystaryn tıisti organdarǵa jetkizetin bolady.
Sonymen qatar, qashyqtan oqytý salasyn qamtıtyn jobalar boıynsha úılestirýshilerdiń esepteri tyńdaldy –"Birge oqý" onlaın mektebi jáne ıfrlyq Akademııa, daryndy oqýshylardyń qabiletterin anyqtaý jáne qoldaý boıynsha "Qabilet" qyzmeti, halyqaralyq olımpıadajúldegerlerin kótermeleý boıynsha "El maqtanyshy" syılyǵy.
Lokdaýn kezeńinde "Birge oqý" onlaın mektebi men ıfrlyq Akademııa jobalary el mektepterin qashyqtan oqytýǵa kóshýde mańyzdy ról atqarǵanyn atap ótken jón. 10 myńǵa jýyq pedagog qatysqan semınarlar men trenıngterdiń arqasynda onlaın-oqytý aldyndaǵy psıhologııalyq kedergiler joıyldy, 3 myń muǵalim ıfrlyq mentor kýrsyn sátti aıaqtap, sertıfıkattaryn aldy.
Shara sońynda Áset Isekeshev Qamqorshylyq keńes múshelerine rızashylyǵyn bildirip, jobalardy júzege asyrýda ózara is-qımyldy jalǵastyrýǵa tilek bildirdi: "qıyndyqtarǵa, onyń ishinde epıdemıologııalyq qıyndyqtarǵa qaramastan, Elbasy Akademııasy qysqa merzim ishinde aýyl oqýshylaryna qoldaý kórsetýge jáne qazaqstandyq jastar arasynda talanttardy anyqtaý júıesine óz úlesin qosty" dep atap ótti ol.
Mádına SULTANOVA,
«Elbasy Akademııasy»
Korporatıvtik qorynyń
Baspasóz-hatshysy.
