اقتوبە وبلىسىنداعى شارۋا قوجالىعىنىڭ باسشىسى 58 جاستاعى وزبەكستان ازاماتىن ءبىر جىل بويى قۇلدىقتا ۇستاپ كەلگەن،دەپ حابارلايدى «ادىرنا» ۇلتتىق پورتالى «Astana TV» ارناسىنا سىلتەمە جاساپ.
بۇل جاعداي ىشكى ىستەر مينيسترلىگى جۇرگىزگەن "ستوپ-ترافيك" جەدەل-پرافيلاكتيكالىق ءىس-شاراسى كەزىندە انىقتالدى. كۇدىكتى جابىرلەنۋشىنىڭ قۇجاتتارىن تارتىپ الىپ، كۇش كورسەتكەن. قازىر اتالعان ءىس بويىنشا تەرگەپ-تەكسەرۋ امالدارى باستالىپ كەتتى. ايىپتالۋشى ۋاقىتشا ۇستاۋ اباقتىسىنا قامالعان.
«شارۋا قوجالىعىنىڭ باسشىسى انىقتالىپ، پوليتسياعا جەتكىزىلدى. ول وزبەكستان ازاماتىنا ۇرىپ-سوعىپ، وعان مال باقتىرىپ قويعان. ونى ايدالاداعى سارايدا ۇستاپتى. اتالعان فاكت بويىنشا قىلمىستىق كودەكستىڭ 128-بابى، ادام ساۋداسى بويىنشا سوتقا دەيىنگى تەرگەۋ امالدارى جۇرگىزىلۋدە»،- دەدى قر ءىىم ءباسپاسوز قىزمەتىنىڭ وكىلى كاميل عاليەۆ.
ءدال وسىنداي فاكتى قوستاناي وبلىسىندا دا تىركەلىپ وتىر. شارۋا قوجالىقتىڭ يەسى، 21 جاستاعى جىگىتتى ماجبۇرلەپ ەكى جارىم جىل بويى جۇمىسقا جەككەن. مينيسترلىكتىڭ مالىمەتىنشە، قوستانايلىق ازاماتقا مال باقتىرعان. سونىمەن بىرگە، وكىلەتتى ورگاندار ءۇش كۇن ىشىندە 65 قىلمىستىڭ بەتىن اشىپتى. ونىڭ ىشىندە ادام ساۋداسىنىڭ التى فاكتىسى جانە ءبىر ادامدى زاڭسىز قاماۋ دەرەگى اشكەرە بولدى.
«ادىرنا» ۇلتتىق پورتالى
