Aqtóbe oblysyndaǵy sharýa qojalyǵynyń basshysy 58 jastaǵy Ózbekstan azamatyn bir jyl boıy quldyqta ustap kelgen,dep habarlaıdy «Adyrna» ulttyq portaly «Astana TV» arnasyna silteme jasap.
Bul jaǵdaı Ishki Ister mınıstrligi júrgizgen "Stop-trafık" jedel-prafılaktıkalyq is-sharasy kezinde anyqtaldy. Kúdikti jábirlenýshiniń qujattaryn tartyp alyp, kúsh kórsetken. Qazir atalǵan is boıynsha tergep-tekserý amaldary bastalyp ketti. Aıyptalýshy ýaqytsha ustaý abaqtysyna qamalǵan.
«Sharýa qojalyǵynyń basshysy anyqtalyp, polıııaǵa jetkizildi. Ol Ózbekstan azamatyna uryp-soǵyp, oǵan mal baqtyryp qoıǵan. Ony aıdaladaǵy saraıda ustapty. Atalǵan fakt boıynsha Qylmystyq Kodekstiń 128-baby, adam saýdasy boıynsha sotqa deıingi tergeý amaldary júrgizilýde»,- dedi QR IIM baspasóz qyzmetiniń ókili Kamıl ǴALIEV.
Dál osyndaı fakti Qostanaı oblysynda da tirkelip otyr. Sharýa qojalyqtyń ıesi, 21 jastaǵy jigitti májbúrlep eki jarym jyl boıy jumysqa jekken. Mınıstrliktiń málimetinshe, qostanaılyq azamatqa mal baqtyrǵan. Sonymen birge, ókiletti organdar úsh kún ishinde 65 qylmystyń betin ashypty. Onyń ishinde adam saýdasynyń alty faktisi jáne bir adamdy zańsyz qamaý deregi áshkere boldy.
«Adyrna» ulttyq portaly
