وڭداسىن ورازالين: قالا شەتىندەگى ەلدىمەكەندەر تاسادا قالىپ قويماۋى ءتيىس

1870
Adyrna.kz Telegram

بۇگىن اقتوبە وبلىسىنىڭ اكىمى وڭداسىن ورازالين قالا ماڭىنداعى ەلدىمەكەندەردى ارالادى. قۇراشاساي، ياسنىي-1, اقشات، اقشات-3, پرومزونا ايماقتارىنداعى جولداردىڭ جوندەلۋى، ينفروقۇرىلىم جۇيەلەرىن تارتۋ جۇمىستارىمەن تانىستى.

“قالاعا قاراستى اۋىلدىق ەلدىمەكەندەر تاسادا قالىپ قويماۋى ءتيىس، وبلىس ورتالىعىندا حالىق سانىنىڭ وسۋىنە بايلانىستى تۇرعىندار تاراپىنان جول سالۋ، گاز، اۋىز سۋ، ەلەكتر جۇيەلەرىنە سۇرانىس ارتىپ وتىر.ءبىز بۇل ماسەلەنى دەر كەزىندە شەشۋدى قولعا الدىق”،- دەدى وڭداسىن ورازالين.
ايماق باسشىسى پرومزونا اۋدانىنداعى جولدىڭ ورتاشا جوندەۋ جۇمىستارىن باقىلادى. ۇزىندىعى 7 كم بولاتىن كوشەنىڭ 800 مەترى جوندەلگەن. 2020 جىلدىڭ تامىز ايىندا باستالعان جۇمىس 2021 جىلى اياقتالادى. ول ءۇشىن بيۋدجەتتەن 90 ملن تگ ءبولىندى. بۇدان سوڭ، قۇراشاساي اۋىلىنداعى جىلۋ قازاندىقتىڭ قايتا جوندەۋ جۇمىسىمەن تانىستى. 37 نىساندى جىلۋمەن قامتاماسىز ەتىپ وتىرعان قازاندىق قايتا جوندەۋ جۇمىستارىن دەر كەزىندە اياقتاي الماي، جىلۋ بەرۋدى 15 كۇنگە كەشىكتىرگەن. وبلىس اكىمى مەكەمە باسشىلىعىنا جىبەرگەن قاتەلىكتەرى ءۇشىن قاتاڭ ەسكەرتۋ بەردى . قۇراشاسايداعى ۇزىندىعى 1,2 كم اۆتوجول ورتاشا جوندەۋدەن وتكەن. مۇندا ءوڭىر باسشىسىنا قالا سىرتىنداعى ەلدىمەكەندەردە جۇرگىزىلگەن، جانە كەلەسى جىلعى جوسپارلانعان جولداردىڭ جوندەۋى تانىستىرىلدى. 2021 جىلى ياسنىي، قۇراشاساي، پريگورودنىي،اقشات، زارەچنىي-3, زارەچنىي-4 تۇرعىن ءۇي الابىنداعى جالپى كولەمى 56 كم بولاتىن توپىراق جولدارعا اسفالت توسەلەدى. ول ءۇشىن «جقجك» اياسىندا 400 ملن تگ قارجى قارالعان. وبلىس اكىمى جوندەۋدەۋدەن ءوتۋى ءتيىس جولداردىڭ مۇنىمەن شەكتەلمەۋىن، سونداي-اق، راۋان، باۋىرلاستار، جاڭاقونىس ەلدىمەكەندەرىندەگى جولداردى جوندەۋدى تاپسىردى. وڭداسىن ورازالين سونداي-اق، قالا سىرتىنداعى ەلدىمەكەن تۇرعىندارىن تولعاندىراتىن تاعى ءبىر ماسەلەنى ايتىپ ءوتتى. قىستا قالىڭ قاردىڭ باسۋىنان كولىك قاتىناسى قيىنداۋىنا بايلانىستى، بيىل بۇل پروبلەمانى بولدىرماۋ قاجەتتىگىن تاپسىردى. «ايماق باسشىسىنىڭ تاپسىرماسىمەن اتالعان ەلدىمەكەندەرگە كىرە بەرىس جولدار مەن قوعامدىق كولىك جۇرەتىن جانە الەۋمەتتىك مەكەمەلەرگە باراتىن جولداردى اسفالتتاۋعا باسىمدىق بەردىك»،-دەپ اتاپ ءوتتى قالا اكىمى. وڭداسىن ورازالين اقتوبە قالاسى «وڭتۇستىك اينالما جولىنىڭ» 21,5-35,3 كم ايماعىندا اتقارىلعان قايتا قالىپقا كەلتىرۋ جۇمىستارىن قارادى. جۇزەگە اسىرىلىپ جاتقان جوبا ەلەك وزەنى ارقىلى وتەتىن كوپىردىڭ قۇرىلىسىن قامتيدى. 2019 جىلى 3,4 ملرد.تەڭگەگە جۇمىس جۇرگىزىلسە، 2020 جىلى جۇمىستاردى جالعاستىرۋعا 1,9 ملرد.تەڭگە ءبولىندى. 2021 جىلى تولىق پايدالانۋعا بەرىلەدى. 4 جولاقتى اينالما جول قالاداعى كولىك كەپتەلىستەرىن ازايتۋعا جانە كەدەرگىسىز ترانزيتتىك قوزعالىسقا ىقپال ەتەدى. ءوڭىر باسشىسى اقشات، اقشات-3 تۇرعىن ءۇي الاپتارىندا بولدى. اقشات ەلدىمەكەنىندە ىسكە قوسىلعان سۋمەن جابدىقتاۋ جەلىسىنىڭ جۇمىسىمەن تانىستى. 2020 جىلدىڭ ماۋسىم ايىندا 16 كم سۋ قۇبىرى جەلىسىن ورناتۋ جۇمىستارى باستالىپ، قازان ايىندا اياقتالدى. ناتيجەسىندە 285 تۇرعىن ءۇي اۋىز سۋمەن قامتاماسىز ەتىلدى. «جقجك» اياسىندا اتقارىلعان جوبادا جەرگىلىكتى 10 ازامات جۇمىسپەن قامتىلدى. وبلىس اكىمىنە 2020-2021 جىلدارى ەلدىمەكەندەرگە جۇرگىزىلگەن جانە جوسپارداعى ينفروقۇرىلىم جۇمىستارى ستەند ارقىلى تانىستىرىلدى. بيىل قۇنى 5,831 ملرد تەڭگەگە 15 جوبا جۇزەگە اسىرىلۋدا. ونىڭ ىشىندە 2,055 ملرد تگ اۋىز سۋمەن قامتۋ، 2,139 ملرد تگ ەلەكترمەن جانە 1,637 ملرد تگ كوگىلدىر وتىنمەن قامتاماسىز ەتۋ جۇمىستارى جاسالۋدا. ال، كەلەسى جىلى قۇنى 15, 715 ملرد تگ 29 جوبا ىسكە اسىرىلادى. ماگادجان، راۋان، سايا، اقجار پليۋس، پاراسات، سارباز، بەلوگوركا، 41-رازەزد ت.ب تۇرعىن ءۇي الاپتارى جارىق، كوگىلدىر وتىن، اۋىز سۋمەن قامتاماسىز ەتىلەتىن بولادى. اقشات-3 ەلدىمەكەنىندە ەلەكتر جەلىسىمەن جابدىقتاۋ جۇمىسى جىل سوڭىنا دەيىن اياقتالادى. جوبا ىسكە قوسىلسا 1100 تۇرعىن ءۇي ەلەكتر قۋاتىنا قول جەتكىزبەك. كەلەر جىلى گاز، سۋ ماسەلەسى وڭدى شەشىمىن تاباتىن بولادى. وبلىس اكىمى وڭداسىن ورازالين قالا باسشىسىنا اياقتالۋعا جاقىن جوربالاردى جىل سوڭىنا دەيىن ءبىتىرۋدى، 2021 جىلعا جوسپارلانعان جوبالاردىڭ قۇجاتتارىن تەزىرەك ازىرلەۋدى تاپسىردى.

پىكىرلەر