ترامپ جەڭىلگەنىن مويىنداماۋدا

748

اقش-تىڭ قازىرگى پرەزيدەنتى دونالد ترامپتىڭ بىرنەشە كەڭەسشىسى، ول بارلىق داۋىستاردى تۇپكىلىكتى ساناعاننان كەيىن دە جەڭىلگەنىن مويىنداۋدان باس تارتادى دەپ سانايدى. بۇل تۋرالى جاعدايمەن تانىس دەرەككوزدەرگە سىلتەمە جاساعان NBC News ارناسى حابارلادى.

اقپارات كوزىندە:

“ول جەڭىلگەنىن مويىندايدى دەپ كۇتپەي-اق قويۋ كەرەك. ء“بىز ناتيجەگە سەنە المايمىز جانە كەلىسپەيمىز” دەگەندەي بىرنارسە ايتۋى مۇمكىن”، - دەپ ايتىلعان.

تەلەارنانىڭ حابارلاۋىنشا، ترامپتىڭ كەيبىر كەڭەسشىلەرى ونىڭ مۇمكىن بولاتىن جەڭىسىنە ءالى دە سەنەدى جانە ونىڭ كۇرەسۋ ارەكەتتەرىن قولداي بەرەدى. ايتسە دە،  ولاردىڭ سانى بىرتىندەپ ازايىپ تا كەلەدى ەكەن. ونىڭ كەيبىر كومەكشىلەرى ول سايلاۋ ناتيجەلەرىن وزگەرتە المايتىنىن بىرتىندەپ تۇسىنەدى دەپ سانايدى.

ترامپتىڭ كوپتەگەن جاقتاستارى ونى ودان ءارى قاراي ارەكەت ەتۋ ءۇشىن كوپ جۇمىس ىستەپ جاتقان كورىنەدى. اتاپ ايتقاندا، ولار ونىڭ رەسپۋبليكالىق پارتياداعى ىقپالىن كۇشەيتۋ ءۇشىن دجوردجيا سەناتىنا ەكىنشى سايلاۋعا قاتىسۋعا ۇگىتتەۋدە.

بۇعان دەيىن اقش-تىڭ باس پروكۋرورى ۋيليام بارر سايلاۋداعى الاياقتىق تۋرالى حابارلامانى تەكسەرۋگە شەشىم قابىلداعان بولاتىن. مەملەكەتتەر بارلىق پروتسەدۋرالاردى، سونىڭ ىشىندە قايتا ساناۋ مەن ناتيجەلەر بويىنشا سوت ءىسىن، 8 جەلتوقسانعا دەيىن شەشۋى كەرەك. سايلاۋ القاسىنىڭ مۇشەلەرى 14 جەلتوقسانداعى كەزدەسۋ بارىسىندا ەسەپ بەرەدى.

بايدەن ءوزىن 7 قاراشادا امەريكا قۇراما شتاتتارىنىڭ پرەزيدەنتى دەپ جاريالادى. ءارتۇرلى دەرەكتەر بويىنشا، ول تالاپ ەتىلگەن 270 داۋىستان اسىرىپ، 273-تەن 290-قا دەيىن داۋىس الدى. ال ترامپ بايدەن ءوزىن ەرتە پرەزيدەنت دەپ جاريالاپ قويدى دەپ سانايدى.

فوتو اشىق دەرەككوزدەن الىندى

“ادىرنا” ۇلتتىق پورتالى

پىكىرلەر
رەداكتسيا تاڭداۋى