Tramp jeńilgenin moıyndamaýda

3350
Adyrna.kz Telegram

AQSh-tyń qazirgi prezıdenti Donald Tramptyń birneshe keńesshisi, ol barlyq daýystardy túpkilikti sanaǵannan keıin de jeńilgenin moıyndaýdan bas tartady dep sanaıdy. Bul týraly jaǵdaımen tanys derekkózderge silteme jasaǵan NBC News arnasy habarlady.

Aqparat kózinde:

“Ol jeńilgenin moıyndaıdy dep kútpeı-aq qoıý kerek. “Biz nátıjege sene almaımyz jáne kelispeımiz” degendeı birnárse aıtýy múmkin”, - dep aıtylǵan.

Telearnanyń habarlaýynsha, Tramptyń keıbir keńesshileri onyń múmkin bolatyn jeńisine áli de senedi jáne onyń kúresý áreketterin qoldaı beredi. Áıtse de,  olardyń sany birtindep azaıyp ta keledi eken. Onyń keıbir kómekshileri ol saılaý nátıjelerin ózgerte almaıtynyn birtindep túsinedi dep sanaıdy.

Tramptyń kóptegen jaqtastary ony odan ári qaraı áreket etý úshin kóp jumys istep jatqan kórinedi. Atap aıtqanda, olar onyń Respýblıkalyq partııadaǵy yqpalyn kúsheıtý úshin Djordjııa Senatyna ekinshi saılaýǵa qatysýǵa úgitteýde.

Buǵan deıin AQSh-tyń Bas prokýrory Ýılıam Barr saılaýdaǵy alaıaqtyq týraly habarlamany tekserýge sheshim qabyldaǵan bolatyn. Memleketter barlyq proedýralardy, sonyń ishinde qaıta sanaý men nátıjeler boıynsha sot isin, 8 jeltoqsanǵa deıin sheshýi kerek. Saılaý alqasynyń músheleri 14 jeltoqsandaǵy kezdesý barysynda esep beredi.

Baıden ózin 7 qarashada Amerıka Qurama Shtattarynyń prezıdenti dep jarııalady. Ártúrli derekter boıynsha, ol talap etilgen 270 daýystan asyryp, 273-ten 290-qa deıin daýys aldy. Al Tramp Baıden ózin erte prezıdent dep jarııalap qoıdy dep sanaıdy.

Foto ashyq derekkózden alyndy

“Adyrna” ulttyq portaly

Pikirler