كوروناۆيرۋس ىندەتى الەم جۇرتىن ابىگەرگە سالۋدا. سونىڭ سالدارىنان گرەكيادا ەكىنشى رەت لوكداۋن جاريالاندى، دەپ حابارلايدى "ادىرنا" ۇلتتىق پورتالى حابار 24-كە سىلتەمە جاساپ.
وعان ەلدەگى كوروناۆيرۋس جۇقتىرۋ دەرەكتەرىنىڭ كۇرت كوبەيۋى سەبەپ. جاڭا شەكتەۋ ەندى 30 قاراشاعا دەيىن جالعاسادى. وسى ۋاقىت ارالىعىندا جوعارعى سىنىپ وقۋشىلارى ءۇشىن مەكتەپتەر جابىلادى. دۇكەندەر مەن ءدامحانالار، جاتتىعۋ زالدارى دا قىزمەتىن توقتاتادى. مەيرامحانالار تەك تاپسىرىس بويىنشا جۇمىس ىستەيدى. بۇعان قوسا تۇرعىنداردىڭ وڭىرارالىق ساپارعا شىعۋىنا تىيىم سالىنادى.
ال ەل اۋماعىنا كىرگىسى كەلەتىن تۋريستەر الدىمەن تەرىس ناتيجەلى پتر-تەست انىقتاماسىن ۇسىنۋى قاجەت. شەتەلگە شىققىسى كەلەتىندەرگە دە تالاپ ءدال وسىنداي.
ايتا كەتەيىك، گرەكيادا وسىمەن ءتورتىنشى كۇن قاتارىنان 2 مىڭنان استام ۆيرۋس جۇقتىرۋ دەرەگى تىركەلىپ كەلەدى. قازىر بۇل ەلدە ينفەكتسياعا شالدىققانداردىڭ جالپى سانى 52 مىڭنان اسادى. ال قايتىس بولعاندار 715-كە جەتتى.
