Koronavırýs indeti álem jurtyn ábigerge salýda. Sonyń saldarynan Grekııada ekinshi ret lokdaýn jarııalandy, dep habarlaıdy "Adyrna" ulttyq portaly Habar 24-ke silteme jasap.
Oǵan eldegi koronavırýs juqtyrý derekteriniń kúrt kóbeıýi sebep. Jańa shekteý endi 30 qarashaǵa deıin jalǵasady. Osy ýaqyt aralyǵynda joǵarǵy synyp oqýshylary úshin mektepter jabylady. Dúkender men dámhanalar, jattyǵý zaldary da qyzmetin toqtatady. Meıramhanalar tek tapsyrys boıynsha jumys isteıdi. Buǵan qosa turǵyndardyń óńiraralyq saparǵa shyǵýyna tyıym salynady.
Al el aýmaǵyna kirgisi keletin týrıster aldymen teris nátıjeli PTR-test anyqtamasyn usynýy qajet. Shetelge shyqqysy keletinderge de talap dál osyndaı.
Aıta keteıik, Grekııada osymen tórtinshi kún qatarynan 2 myńnan astam vırýs juqtyrý deregi tirkelip keledi. Qazir bul elde ınfekııaǵa shaldyqqandardyń jalpy sany 52 myńnan asady. Al qaıtys bolǵandar 715-ke jetti.
