الماتىدا مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىندا "اۋەنمەن تەربەلگەن 1000 جىل" اتتى الىپ شاھاردىڭ مەرەيتويىنا ارنالعان ءداستۇرلى اندەر فەستيۆالى ءوتتى. اسەم قالانى مىڭجىلدىق مەرەكەسىمەن قۇتتىقتاۋعا قازاقستاننىڭ ءار وڭىرىنەن ءداستۇرلى ءاننىڭ دۇلدۇلدەرى كەلدى.
الماتىنىڭ مىڭجىلدىق مەرەكەسىنە ارنالعان ءداستۇرلى اندەر فەست
يۆالىنە قازاقستاننىڭ ءار وڭىرىنەن ءداستۇرلى ءاننىڭ ناعىز مايتالماندارى ارنايى كەلدى. ولار ارنايى شەبەرلىك ساعاتتارىن وتكىزىپ، كورەرمەندەرگە ءوز ونەرىن پاش ەتتى. كونتسەرت بارىسىندا حالىق اندەرىنىڭ تالاي ءىنجۋ-مارجاندارى شىرقالدى. ونەر سۇيەر قاۋىم ءار ءوڭىردىڭ ءداستۇرلى ءان مەكتەبىن تىڭداپ، كوتەرىڭكى كوڭىل-كۇيمەن قايتتى. جالپى فەستيۆالدىڭ ماقساتى - كوپشىلىكتى ءداستۇرلى مۋزىكا تاريحىمەن، قازىرگى دامۋ ۇردىسىمەن تانىستىرۋ.
"مەن بۇل كەشكە قاراعاندى وبلىسى جاڭاارقا اۋدانىنىنا كەلىپ وتىرمىن.مەن قازىر 75 جاستامىن. بۇل جاستا ءبىزدى ساحناعا الىپ شىعۋ - ءداستۇرلى ءان-كۇيدىڭ قۇدىرەتى. الماتىنىڭ مىڭجىلدىق مەرەيتويىندا ءبىزدىڭ باسىمىزدى قوسىپ وتىرعان قالا اكىمدىگىنە مىڭ العىس. ءداستۇرلى ءان-كۇي وركەندەي بەرسىن، الماتىمىز جىلدان-جىلعا كوركەيىپ، وسە بەرسىن. عاسىردان-عاسىرعا جەتسىن. بۇگىنگى شاراعا 25 ءانشى-كۇيشى قاتىسىپ وتىر. كونتسەرتتىڭ ماقساتى - جوعالىپ كەتۋگە اينالعان ونەردى قايتا جانداندىرۋ، كەيىنگى جاستارعا ۇلگى-ونەگە ەتۋ، ناسيحاتتاۋ،- دەدى قاراعاندى وبلىسىنان كەلگەن ءداستۇرلى ءانشى فازىل تۇتقابەكوۆ.
قازاق ونەرىنىڭ قارا شاڭىراعىنداعى الماتىنىڭ 1000 جىلدىعىنا ارنالعان مەرەكەلىك شارا قىزىقتى لازەرلىك شوۋمەن اياقتالدى. تەاتر عيماراتىنىڭ قابىرعاسىندا 3D كومەگىمەن، زاماناۋي مۋلتيمەديالىق شوۋ كورسەتىلدى. ءۇش قۇرىلىمدى پروەكتسيا مەن ينستاللياتسيا ارقىلى تەاتر عيماراتىنا ەرەكشە ساۋلەلى بەينەلەر ءتۇسىرىلدى. لازەر شوۋدا - ناۋرىز مەيرامىنىڭ شىعۋ تاريحى مەن قازاقستان مادەنيەتىنىڭ ەرەكشەلىكتەرى سۋرەتتەلەدى. قويىلىم ەتنيكالىق مۋزىكامەن ارلەندى.
