اقتوبە وبلىسىندا 2020 جىلى 610 شاقىرىم اۆتوكولىك جولى جوندەلەدى

1887
Adyrna.kz Telegram

بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسى بارىسىندا اقتوبە وبلىسىنىڭ اكىمى وڭداسىن ورازالينا مالىمدەدى.
ءوڭىر قازاقستانداعى نەگىزگى كولىكتىك-ترانزيتتىك حابتاردىڭ ءبىرى بولىپ تابىلادى، سوندىقتان كولىك ينفراقۇرىلىمىن دامىتۋعا ەرەكشە نازار اۋدارىلادى.
"اقتوبە وبلىسىنىڭ ايتارلىقتاي كولىك الەۋەتى بار. بۇل رەتتە جەرگىلىكتى جولداردىڭ قاناعاتتانارلىقسىز جاعدايى وبلىستىڭ باستى پروبلەمالارىنىڭ ءبىرى بولىپ قالۋدا.
اعىمداعى جىلى 610 شاقىرىم اۆتوكولىك جولىن جوندەۋگە 40,4 ملرد.تەڭگە ءبولىنىپ، 545 شاقىرىم جول ەندىگى جوندەلىپ قويدى. بۇل جىل سوڭىندا دەيىن جاي-كۇيى قاناعاتتانارلىق اۆتوموبيل جولدارىنىڭ ۇلەسىن 56,5% -دان 59% -عا دەيىن ارتتىرۋعا مۇمكىندىك بەرەدى. قازىرگى ۋاقىتتا وبلىس اۋماعىندا بىرنەشە ءىرى جول جوبالارى ىسكە اسىرىلۋدا. ولاردىڭ قاتارىندا "اقتوبە-ورسك" اۆتوكولىك جولىن، اقتوبە قالاسىنىڭ وڭتۇستىك اينالما جولىن قايتا جاڭارتۋ، "قوبدا-مارتوك" اۆتوجولىن كۇردەلى جوندەۋ، "شالقار-بوزوي-وزبەكستان رەسپۋبليكاسىنىڭ شەكاراسى (نۇكىس)" جانە ت.ب كولىك جولدارىن ورتاشا جوندەۋ بويىنشا ءىرى جوبالار جۇزەگە اسىرىلىپ جاتىر", - دەپ اتاپ ءوتتى سپيكەر.
ءوڭىردى قاجەتتى كولىك ينفراقۇرىلىمىمەن قامتاماسىز ەتۋ جۇمىسىن 2021 جىلى جالعاستىرۋدى جوسپارلاپ وتىر. جالپى، كەلەسى جىلى كەمىندە 600 شاقىرىم جول جوندەلمەك.

 

پىكىرلەر