ەلباسى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ 3 جىلدىعىنا وراي قوعامدىق سانانى جاڭعىرتۋ جولىندا اتقارىلعان جۇمىستار سارالانىپ، ماتەريالدار جيناقتالىپ، «جاڭعىرعان سانا – جاڭا سەرپىن» كىتاپ-جيناعى شىعارىلدى.
اعىمداعى جىلدىڭ 3 قاراشا كۇنى اتالمىش كىتاپ-جيناق اۆتورلارىمەن كەزدەسۋ وتكىزىلدى. جيناق اۆتورلارىنىڭ سانى 40-قا جۋىق ادامدى قۇرايدى.
بۇل كىتاپ-جيناققا «رۋحاني جاڭعىرۋ» باعدارلاماسىن جۇزەگە اسىرۋ بويىنشا زيالى قاۋىم وكىلدەرىنىڭ، قوعام قايراتكەرلەرىنىڭ وي-تولعامدارى مەن اقتوبە قالاسى جانە اۋدانداردىڭ، وبلىستىق سالالىق باسقارمالاردىڭ، جوعارى وقۋ ورىندارىنىڭ اتقارىلعان جۇمىستارى تۋرالى ماقالالار جيناقتالعان.
كەزدەسۋ بارىسىندا قر مادەنيەت سالاسىنىڭ ۇزدىگى ە.قۇرمانبەك، ق.جۇبانوۆ اتىنداعى ءاوۋ دوتسەنتى، ت.ع.ك. د.ابەنوۆ، س.بايشەۆ اتىنداعى اقتوبە ۋنيۆەرسيتەتىنىڭ پرورەكتورى، ف.ع.ك. م.ميروۆ، «قوعامدىق كەلىسىم» كمم مامانى ت.ساپاروۆ، ق.جۇبانوۆ اتىنداعى ءاوۋ دوتسەنتى، ف.ع.ك. ن.سادۋاقاس كىتاپ-جيناقتىڭ مازمۇنى تۋرالى وي-پىكىرلەرىن ءبىلدىرىپ، الداعى ۋاقىتتا جارىق كورەر جيناقتار توڭىرەگىندەگى جاڭا يدەيالارىمەن ءبولىستى.
جاۋاپتى رەداكتورى ەركىن قۇرمانبەكتىڭ ايتۋىنشا، جيناق قۇراستىرۋداعى ماقسات «رۋحاني جاڭعىرۋ» باعدارلاماسى اياسىنداعى قوعامدىق سانانى جاڭعىرتۋ جولىندا 3 جىل بويى اتقارىلعان جۇمىستاردى سارالاۋ.
شارا سوڭىندا كىتاپ اۆتورلارعا ۇلەستىرىلىپ، وبلىستىق، اۋداندىق بارلىق كىتاپحانالارعا، ارحيۆ جانە مۋزەيلەرگە تاراتىلدى.
