شىمكەنت قالاسىنىڭ ەڭبەكشى اۋدانى اۋماعىندا جول جوندەۋ، اياقجولدار جانە كوپىر قۇرىلىس جۇمىستارى جۇرگىزىلۋدە.
اۋداندا ۇزىندىعى 613,2 شاقىرىمدى قۇرايتىن 611 داڭعىل، كوشەلەر مەن وتكەلدەر ورنالاسقان. اۋدان بويىنشا جول جوندەۋ جۇمىستارىن قاجەت ەتەتىن شاعىناۋداندار مەن تۇرعىن الاپتار زەردەلەنگەن. بۇگىندە 62 كوشەدە ورتاشا جوندەۋ (61,6 شاقىرىم), 16 كوشەدە اياق جول سالۋ (23,5 شاقىرىم), 8,9 شاقىرىمعا شاعال تاس توسەۋگە قارجى ءبولىنىپ، جوندەۋ جۇمىستارى اتقارىلۋدا.
اۋدان اكىمىنىڭ مالىمدەۋىنشە، نەگىزىنەن شالعاي اۋماقتاردىڭ كوشەلەرىن اسفالتتاۋعا باسىمدىق بەرىلۋدە. جىل سوڭىندا اسفالت جول 407,5 شاقىرىم (66,5%), شاعال تاس جول 182,8 شاقىرىم (29,8%), توپىراق جول 22,9 شاقىرىمدى (3,7%) قۇرايدى.
ونىمەن قوسا، ەڭبەكشى اۋدانىندا بيىل بىرقاتار كوپىردىڭ قۇرىلىسىن جۇرگىزۋ جوسپارلانعان. بۇگىندە لەنگەر تاس جولىنداعى «سايرام سۋ» وزەنىنىڭ ۇستىنەن وتەتىن كوپىردىڭ جانە قاراباستاۋ تۇرعىن الابىنداعى «بادام» وزەنىنىڭ ۇستىنەن وتەتىن كوپىرگە قايتا قۇرۋ جۇمىستارى جۇرگىزىلىپ، پايدالانۋعا بەرىلدى. ال ماياتاس، توعىس تۇرعىن الاپتارىنداعى «بادام» وزەنىنىڭ ۇستىنەن وتەتىن جانە ەلتاي تۇرعىن الابىنداعى كوپىردىڭ قۇرىلىسى جىل سوڭىنا دەيىن اياقتالادى.
سونداي-اق، بۇل جىلى لەنگەر تاس جولى بويىنداعى جارىقشامدار جوندەۋدەن ءوتتى. جالپى 12,1 شاقىرىم بولاتىن 14 كوشەدە جارىقتاندىرۋ جۇمىستارى جۇرگىزىلۋدە. سونىمەن قاتار 2021 جىلعا ءبىرىنشى كەزەكتە جارىقتاندىرۋ جۇمىستارىن جۇرگىزۋدى قاجەت ەتەتىن 28 كوشەنىڭ ءتىزىمى بەكىتىلگەن.
شىمكەنت قالاسى اكىمىنىڭ ءباسپاسوز قىزمەتى
