Shymkent: Eńbekshi aýdanynda eki kópirdiń qurylysy aıaqtaldy

1604
Adyrna.kz Telegram

Shymkent qalasynyń Eńbekshi aýdany aýmaǵynda jol jóndeý, aıaqjoldar jáne kópir qurylys jumystary júrgizilýde.

Aýdanda uzyndyǵy 613,2 shaqyrymdy quraıtyn 611 dańǵyl, kósheler men ótkelder ornalasqan. Aýdan boıynsha jol jóndeý jumystaryn qajet etetin shaǵynaýdandar men turǵyn alaptar zerdelengen. Búginde 62 kóshede ortasha jóndeý (61,6 shaqyrym), 16 kóshede aıaq jol salý (23,5 shaqyrym), 8,9 shaqyrymǵa shaǵal tas tóseýge qarjy bólinip, jóndeý jumystary atqarylýda.

Aýdan ákiminiń málimdeýinshe, negizinen shalǵaı aýmaqtardyń kóshelerin asfalttaýǵa basymdyq berilýde. Jyl sońynda asfalt jol 407,5 shaqyrym (66,5%), shaǵal tas jol 182,8 shaqyrym (29,8%), topyraq jol 22,9 shaqyrymdy (3,7%) quraıdy.

Onymen qosa, Eńbekshi aýdanynda bıyl birqatar kópirdiń qurylysyn júrgizý josparlanǵan. Búginde Lenger tas jolyndaǵy «Saıram sý» ózeniniń ústinen ótetin kópirdiń jáne Qarabastaý turǵyn alabyndaǵy «Badam» ózeniniń ústinen ótetin kópirge qaıta qurý jumystary júrgizilip, paıdalanýǵa berildi. Al Maıatas, Toǵys turǵyn alaptaryndaǵy «Badam» ózeniniń ústinen ótetin jáne Eltaı turǵyn alabyndaǵy kópirdiń qurylysy jyl sońyna deıin aıaqtalady.

Sondaı-aq, bul jyly Lenger tas joly boıyndaǵy jaryqshamdar jóndeýden ótti. Jalpy 12,1 shaqyrym bolatyn 14 kóshede jaryqtandyrý jumystary júrgizilýde. Sonymen qatar 2021 jylǵa birinshi kezekte jaryqtandyrý jumystaryn júrgizýdi qajet etetin 28 kósheniń tizimi bekitilgen.

Shymkent qalasy ákiminiń baspasóz qyzmeti

Pikirler