مەملەكەت باسشىسىنىڭ تاپسىرماسىنا سايكەس، قالاداعى اۋدان اكىمدىكتەرىمەن «حالىق قاتىساتىن بيۋدجەت» جوباسى قولعا الىنعان بولاتىن.
شىمكەنت قالاسىندا وسى جوبانىڭ باستالۋى بويىنشا قالالىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى راحىمبەردى مۇلكەمانوۆ ءباسپاسوز بريفينگىن وتكىزدى.
اۋدان اكىمدىكتەرى دەڭگەيىندە ۇيىمداستىرىلىپ جاتقان «حالىق قاتىساتىن بيۋدجەت» جوباسى پيلوتتىق رەجيمدە وسىعان دەيىن نۇر-سۇلتان جانە الماتى قالالارىندا جۇزەگە اسىرىلعان ەدى.
راحىمبەردى جانىسبەكۇلىنىڭ ايتۋىنشا، جوبانى شىمكەنت قالاسىندا ىسكە اسىرۋ بويىنشا ءىس-شارالار جوسپارى بەكىتىلگەن. بۇگىندە 4 اۋدان اكىمدىگى تاراپىنان حالىق قاتىساتىن بيۋدجەتتى ازىرلەۋدىڭ ەرەجەلەرى مەن ساراپتامالىق كەڭەستەردىڭ قۇرامى بەكىتىلدى. سونىمەن قاتار، جوبانى ىسكە اسىرۋ ءۇشىن open-Shymkent.kz ارنايى ينتەرنەت-رەسۋرسى ازىرلەندى.
– ەرتەڭنەن باستاپ تۇرعىنداردان وتىنىمدەر، ۇسىنىستار قابىلدانادى. جالپى جوبانى جۇزەگە اسىرۋدىڭ 3 كەزەڭى بار. بىرىنشىدەن، سايت ارقىلى تۇرعىنداردان ۇسىنىستار جيناقتالادى. ياعني، تۇرعىندار اۋدان اكىمى اپپاراتى قۇزىرەتىنە كىرەتىن سالالالار بويىنشا تالاپ-ۇسىنىستارىن جىبەرۋىنە مۇمكىندىگى بار. اۋماقتى كوگالداندىرۋ، اياقجولداردى جايلاستىرۋ، پاندۋستاردى، ارىقتاردى سالۋ جانە جوندەۋ، ت.ب.، ماسەلەلەر بويىنشا ۇسىنا الادى. جوباعا اۋداندا تىركەلگەن كەز كەلگەن ازامات قاتىسا الادى، – دەدى باسقارما باسشىسى.
جوبانىڭ تالاپتارىنا سايكەس، ەكى اپتا ىشىندە جيناقتالعان ۇسىنىستار اۋدان اكىمدىگى تاراپىنان قۇرىلعان ساراپتامالىق كەڭەسكە ۇسىنىلادى. ساراپتامالىق كەڭەس جوبالار تىزبەسىن ىرىكتەپ، داۋىس بەرۋ ءۇشىن سايتقا ورنالاستىرادى. داۋىس بەرۋ ناتيجەلەرى بويىنشا كوپ داۋىس جيناعان جوبالار 2021 جىلى اۋدان اكىمدىگى ارقىلى جۇزەگە اسىرىلاتىن بولادى.
شىمكەنت قالاسى اكىمىنىڭ ءباسپاسوز قىزمەتى
