شىمكەنت قالاسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ «جاسىل بەلدەۋ» مەكەمەسىنىڭ ماماندارى بيىل 250 گەكتار اۋماققا ورمان پاتولوگيالىق تەكسەرۋلەرىن جۇرگىزگەن. سونداي-اق، ورمان ءورتىنىڭ الدىن الۋ ماقساتىندا مىڭ گەكتارعا جۋىق جەر ۋچاسكەسىنىڭ 30 شاقىرىمىنا مينەرالدى جولاق جۇرگىزگەن.
70 گەكتار جەر جىرتىلىپ، 60 گەكتار اۋماقتاعى اعاشتار كەسىپ، كەسىلگەن شىرپىلار سىرتقا شىعارىلعان. 20 گەكتار اۋماققا سۋعارۋ ارىقتارى جاسالعان جانە 25 گەكتارعا ەگىلگەن كوشەتتەر اراسى قوپسىتىلعان. ال 25 گەكتار جەردە ارام شوپتەر شابىلعان.
بۇگىندە 396 گا جەر ۋچاسكەسى تولىعىمەن جىرتىلىپ، اعاش ەگۋگە جەر دايىندالعان.
سونىمەن قاتار، «بادام ورمان جانە جانۋارلار دۇنيەسىن قورعاۋ جونىندەگى» مم-نە قاراستى ورمان تۇقىمباعىندا ەگىلگەن اعاش-كوشەتتەرگە كۇتىپ باپتاۋ جۇمىستارى جۇرگىزىلۋدە. 9 اي كولەمىندە جالپى 2 گا جەرگە سۋعارۋ، ارام شوپتەردەن تازارتۋ جانە مينەرالدى تىڭايتقىش ەنگىزىلگەن. اتاپ ايتقاندا، 500 كگ ەمەن تۇقىمى 0,3 گا جەرگە سەبىلدى، 80 كگ قاراعاش تۇقىمى جينالىپ، 0,5 گا جەرگە سەبىلدى، 200 كگ ورىك، 20 كگ شابدالى، 5 كگ شيە (چەرەشنيا), 2 كگ الما جانە 5 كگ المۇرت، قارا ورىك 5 كگ، بادام 80 كگ، تاۋ پىستەسى 10 كگ، ەمەن 850 كگ، سۋماح 20 كگ، كاتالپا 35 كگ، گلەديچيا 10 كگ، بوز ارشا 3 كگ تۇقىمدارى جينالدى.
ودان وزگە، باسقارما ماماندارىنىڭ مالىمەتىنشە، 11 گا الىپ جاتقان شىمسايا شاتقالىندا دا ەگىلگەن اعاش-كوشەتتەرگە كۇتىپ-باپتاۋ جۇمىستارى جۇرگىزىلۋدە.
شىمكەنت قالاسى اكىمىنىڭ ءباسپاسوز قىزمەتى
