ەكس-مينيستر ەلجان بىرتانوۆقا قانداي جازا تاعايىندالۋى مۇمكىن؟

2383

زاڭگەر جانگەلدى سۇلەيمەنوۆ بيۋدجەت قاراجاتىن ىسىراپ ەتتى دەگەن كۇدىككە ىلىنگەن دەنساۋلىق ساقتاۋ مينيسترلىگىنىڭ بۇرىنعى باسشىسى ەلجان بىرتانوۆقا قانداي جازا تاعايىندالۋى مۇمكىن ەكەنىن ايتىپ بەردى، - دەپ حابارلايدى «ادىرنا» ۇلتتىق پورتالى Tengrinews.kz-كە سىلتەمە جاساپ.

سۇلەيمەنوۆتىڭ ايتۋىنشا، وقيعانىڭ بىرنەشە ستسەناريى بولۋى مۇمكىن:

«قازىر ەلجان ءبىرتانوۆ قر قىلمىستىق كودەكسىنىڭ 189-بابى 4-بولىگى  ("وزىنە سەنىپ تاپسىرىلعان بىرەۋدىڭ اسا ءىرى كولەمدەگى مۇلكىن يەمدەنۋ نەمەسە ىسىراپ ەتۋ") بويىنشا كۇدىككە ءىلىندى. بىراق زاڭدا العاشقى كۆاليفيكاتسيا دەگەن ۇعىم بار. ياعني قازىر قىلمىستىق تەرگەۋ ورگاندارى وعان وسى باپ بويىنشا ايىپ تاقتى، بىراق تەرگەۋ بارىسىندا باسقا باپقا الماستىرۋى نەمەسە وسى باپقا تاعى باسقاسى قوسىلۋى مۇمكىن».

ەگەر بۇل باپ سوتقا دەيىن وزگەرمەسە، وندا ءبىرتانوۆتىڭ قىلمىس جاساعان كەزدەگى العان مۇلكى تاركىلەنىپ، 7 جىلدان 12 جىلعا دەيىن باس بوستاندىعىنان ايىرۋ جازاسى كەسىلۋى مۇمكىن. تاعى مەملەكەتتىك قىزمەتكە وتىرۋعا تىيىم سالىنادى", - دەدى سۇلەيمەنوۆ.

زاڭگەر باسقا دا نۇسقانى اتادى: "كۇدىكتى قىلمىس جاساعان بولسا، سىبايلاستارى دا بولۋى مۇمكىن دەپ ويلايمىن. ەگەر ول راستالسا، وندا 262-باپتىڭ 2-بولىگىنە سايكەس ("ۇيىمداسقان توپقا نەمەسە قىلمىستىق ۇيىمعا قاتىسۋ") بابى بويىنشا جازا تاعايىندالادى. ول - 8 جىلدان 13 جىلعا دەيىن باس بوستاندىعىنان ايىرۋ جازاسى».

تاعى تەرگەۋ بارىسىندا ءتۇرلى ەپيزود بولۋى مۇمكىن جانە كۇدىكتىنىڭ سولارعا قاتىسى بار-جوعى تەكسەرىلەدى. مىسالعا ەگەر ول اقشانى جۇمساۋعا تىكەلەي قاتىسپاسا دا، سىبايلاستارى پارا بەردىك دەۋى مۇمكىن. ال بۇل قك 366-بابىنا سايكەس 10 جىلدان 15 جىلعا دەيىن باس بوستاندىعىنان ايىرۋ جانە پارانىڭ سەگىز ەسە مولشەرىندە ايىپپۇل تولەۋ.

ال ەگەر جۇمساۋ جانە ۇيىمداسقان توپ، پارا الۋ دا دالەلدەنسە، وندا سوت جازالاردى بىرىكتىرە وتىرىپ، 20 جىلدان اسپايتىن جازا كەسۋى مۇمكىن", - دەدى ساراپشى.

ەسكە سالايىق، دەنساۋلىق ساقتاۋ مينيسترلىگىنىڭ بۇرىنعى باسشىسى ەلجان بىرتانوۆقا قاتىستى تەرگەۋ ءجۇرىپ جاتىر.

بۇعان دەيىن جەلىدە ەكس-مينيستر ءبىرتانوۆ ۇستالعانى تۋرالى اقپارات تاراعان ەدى. اقپارات Telegram-داعى بىرنەشە ارنادا انىقتامالىق قۇجات تۇرىندە جاريالانعان بولاتىن. كەيىنىرەك بىرقاتار باق اقپارات كوزدەرىنە سىلتەمە جاساي وتىرىپ، بۇرىنعى دەنساۋلىق ساقتاۋ ءمينيسترىنىڭ ۇستالعانىن مالىمدەدى. 

فوتو اشىق دەرەككوزدەن الىندى

«ادىرنا» ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket