Zaŋger Jangeldı Süleimenov biudjet qarajatyn ysyrap ettı degen küdıkke ılıngen Densaulyq saqtau ministrlıgınıŋ būrynǧy basşysy Eljan Bırtanovqa qandai jaza taǧaiyndaluy mümkın ekenın aityp berdı, - dep habarlaidy «Adyrna» ūlttyq portaly Tengrinews.kz-ke sılteme jasap.
Süleimenovtıŋ aituynşa, oqiǧanyŋ bırneşe ssenariiı boluy mümkın:
«Qazır Eljan Bırtanov QR Qylmystyq kodeksınıŋ 189-baby 4-bölıgı ("Özıne senıp tapsyrylǧan bıreudıŋ asa ırı kölemdegı mülkın iemdenu nemese ysyrap etu") boiynşa küdıkke ılındı. Bıraq zaŋda alǧaşqy kvalifikasiia degen ūǧym bar. Iаǧni qazır qylmystyq tergeu organdary oǧan osy bap boiynşa aiyp taqty, bıraq tergeu barysynda basqa bapqa almastyruy nemese osy bapqa taǧy basqasy qosyluy mümkın».
Eger būl bap sotqa deiın özgermese, onda Bırtanovtyŋ qylmys jasaǧan kezdegı alǧan mülkı tärkılenıp, 7 jyldan 12 jylǧa deiın bas bostandyǧynan aiyru jazasy kesıluı mümkın. Taǧy memlekettık qyzmetke otyruǧa tyiym salynady", - dedı Süleimenov.
Zaŋger basqa da nūsqany atady: "Küdıktı qylmys jasaǧan bolsa, sybailastary da boluy mümkın dep oilaimyn. Eger ol rastalsa, onda 262-baptyŋ 2-bölıgıne säikes ("Ūiymdasqan topqa nemese qylmystyq ūiymǧa qatysu") baby boiynşa jaza taǧaiyndalady. Ol - 8 jyldan 13 jylǧa deiın bas bostandyǧynan aiyru jazasy».
Taǧy tergeu barysynda türlı epizod boluy mümkın jäne küdıktınıŋ solarǧa qatysy bar-joǧy tekserıledı. Mysalǧa eger ol aqşany jūmsauǧa tıkelei qatyspasa da, sybailastary para berdık deuı mümkın. Al būl QK 366-babyna säikes 10 jyldan 15 jylǧa deiın bas bostandyǧynan aiyru jäne paranyŋ segız ese mölşerınde aiyppūl töleu.
Al eger jūmsau jäne ūiymdasqan top, para alu da däleldense, onda sot jazalardy bırıktıre otyryp, 20 jyldan aspaityn jaza kesuı mümkın", - dedı sarapşy.
Eske salaiyq, Densaulyq saqtau ministrlıgınıŋ būrynǧy basşysy Eljan Bırtanovqa qatysty tergeu jürıp jatyr.
Būǧan deiın Jelıde eks-ministr Bırtanov ūstalǧany turaly aqparat taraǧan edı. Aqparat Telegram-daǧy bırneşe arnada anyqtamalyq qūjat türınde jariialanǧan bolatyn. Keiınırek bırqatar BAQ aqparat közderıne sılteme jasai otyryp, būrynǧy densaulyq saqtau ministrınıŋ ūstalǧanyn mälımdedı.
Foto aşyq derekközden alyndy
«Adyrna» ūlttyq portaly
