ءسىزدىڭ شە، «ءمىنسىز» كاسىپكەر قانداي بولۋى كەرەك؟ ارينە، كرەاتيۆتى، بەيىمدەلگىش، ساق، ماقساتقا ۇمتىلعىش، جاۋاپكەرشىلىگى جوعارى دەپ ابدەن جاۋىر بولعان سوزدەردى ءتىزىپ شىعا الامىز. الايدا كەز كەلگەن ءىستىڭ وڭاي جولىن تاۋىپ، ۋاقىتىن ۇنەمدەيتىن كاسىپكەر–ەڭ نەگىزگى قاسيەتتەردى بويىنا سىڭىرگەن كاسىپكەر بولماق. ماسەلەن، بانكتەن شوت اشۋدىڭ ءوزىن بولىمشەگە بارىپ، ساعاتتاپ كۇتۋ–كۇيكى تىرلىكتەن كوز اشپاي جۇرگەن كاسىپكەر ءۇشىن ءتيىمسىز بولماق. سوندىقتان «Halyk Bank» كاسىپكەرلەر ءۇشىن نەبارى 10 مينۋتتىڭ ىشىندە ونلاين شوت اشۋدىڭ تولىققاندى جۇيەسىن، وڭاي جولدارىن ويلاپ تاپقان.
قالاي دەيسىز بە؟! دەمەسەڭىز دە ايتايىق.
نە ىستەۋ كەرەك؟
ول ءۇشىن كاسىپكەرگە openaccount.onlinebank.kz ۆەب-سايتىنا كىرىپ، ەلەكتروندى ۇكىمەت پورتالىنىڭ (egov) ءموبيلدى قوسىمشاسى ارقىلى مالىمەتتەر بازاسىنا تىركەلگەن تەلەفون ءنومىرىن ەنگىزىپ، ەلەكتروندى ۇكىمەت پورتالىنداعى (egov) اۆتوريزاتسيادان ءوتىپ، Onlinebank پورتالىنداعى تەكسەرۋ جانە تىركەۋ پروتسەدۋراسىن اياقتاۋى قاجەت. سالىستىرمالى تۇردە وفلاين رەجيمدە شوتتى اشۋ 30 مينۋتتى قۇراسا، ونلاين رەجيمىندە شوت اشۋ تاۋلىكتىڭ كەز كەلگەن ۋاقىتىندا 10 مينۋتىڭىزدى عانا الادى.
جەكە كاسىپكەرلەر ءۇشىن ونلاين-شوت اشۋعا ارنالعان جوبانى ىسكە اسىرۋدا OAuth Egov.kz قىزمەتى (ۇات اق) مەن ينتەگراتسيا، سەرتيفيكاتتار (ەتسق), ونلاين بەينەنى انىقتاۋ پروتسەدۋراسى COID قىزمەتىمەن ينتەگراتسيالانعان Liveness KCMR), ءار ءتۇرلى كوزدەردەن جانە وپەراتورلاردان مالىمەتتەر الۋ ءۇشىن ءار ءتۇرلى ينتەگراتسياعا نەگىزدەلگەن بالدىق مودەل ۇزدىك جانە زاماناۋي تاجىريبەلەر ارقىلى قولدانىلدى. جالپى، بۇل جوبا بويىنشا جۇمىس اقپاراتتىق تەحنولوگيالارىن دامىتۋداعى ماڭىزدى كەزەڭگە اينالدى جانە بانكتى جاڭا ساپا دەڭگەيىنە كوتەردى.
بۇل قىزمەت قازاقستاندا تانىمال ما؟
بۇگىنگى تاڭدا قازاقستاندا تەك 900 مىڭ بەلسەندى شاعىن بيزنەس بار. ولاردىڭ ىشىندە عالامتورمەن قامتۋ ۇلەسىنە نەگىزدەلگەن (شامامەن 70%) تسيفرلىق قىزمەتتەردىڭ تۇتىنۋشىسى بولا الاتىندار سانى 650 مىڭدى قۇرايدى. وسى تسيفردان تسيفرلىق بانكتىك ونىمدەردى قولدانۋعا دايىن جانە قازىردىڭ وزىندە قولدانىپ جۇرگەن كاسىپكەرلەر سانى – 300-350 مىڭعا تابان تىرەدى.
الفيا جەكسەنباي، Halyk Bank-ءتىڭ شاعىن جانە ورتا بيزنەستى ساتۋ دەپارتامەنتىنىڭ ديرەكتورى.
– Halyk Bank-ءتىڭ قىزمەتىن قولداناتىن كاسىپكەرلەرگە ارنالعان ونلاين-شوت اشۋ – بۇل الەمدىك ستاندارتتار بويىنشا بىرەگەي جوبا. جۇمىس بارىسىندا كوپتەگەن جاڭا تەحنولوگيالىق كومپونەنتتەر ەنگىزىلدى، بەدەلدى كونسۋلتانتتار، مەملەكەتتىك ونلاين قىزمەتتەر تارتىلدى، جۇمىستا جاڭا تاسىلدەر قولدانىلدى. تەحنيكالىق بولىگىندە ءونىم ونلاينبانك جۇيەسىنىڭ قولدانىستاعى ارحيتەكتۋراسىندا جۇزەگە اسىرىلعانىمەن، سول Egov.kz پورتالىمەن ىنتىماقتاستىق كليەنتتى ساندىق سايكەستەندىرۋگە جانە ول تۋرالى شوت اشۋ پروتسەسىندە قاجەت بولاتىن دەرەكتەردى الۋعا مۇمكىندىك بەرەدى. سونىمەن قاتار، Egov.kz سەرۆيسىنىڭ فۋنكتسيونالدىعىن كەڭىنەن ناسيحاتتاۋ ءۇشىن دە جۇمىس ىستەپ جاتىرمىز. سوندىقتان قاشىقتان ساپالى تسيفرلىق قىزمەتتەردى الۋعا مۇددەلى بارلىق كاسىپكەرلەردى Halyk Bank-ءتىڭ ونبوردينگ قىزمەتىن پايدالانۋعا شاقىرامىن.
«ادىرنا» ۇلتتىق پورتالى
