وبلىس اكىمى وڭداسىن ءورازاليننىڭ توراعالىعىمەن وتكەن جيىندا وڭىردەگى جىلىتۋ ماۋسىمىنىڭ وتۋىنە بايلانىستى سۇراقتار تالقىلاندى. جيىنعا وبلىس اكىمىنىڭ ورىنباسارلارى، باسقارما باسشىلارى، اقتوبە قالاسى مەن اۋدان اكىمدەرى بەينە بايلانىس ارقىلى قاتىستى.
وبلىس اكىمىنىڭ ءبىرىنشى ورىنباسارى نۇرجاۋعان قالاۋوۆ تۇرعىندار قاتتى وتىن پايدالاناتىن ەلدى مەكەندەردى ۇنەمى تەكسەرىپ تۇرۋ كەرەك جانە اقپاراتتىق-ءتۇسىندىرۋ جۇمىستارىن كۇشەيتۋ قاجەت دەپ ەسەپتەيدى.
ونىڭ سوزىنشە وبلىستىڭ اۋداندارىندا ءمودۋلدى قازاندىقتار سالۋ جانە تالاپقا ساي ەمەس قازاندىقتاردى الماستىرۋ شارالارى قابىلدانىپ جاتىر. سونىمەن قاتار ءورت ءسوندىرۋ بەكەتتەرىن سالۋ سۇراقتارى دا شەشىلۋدە.
ءوڭىر باسشىسى اقتوبە قالاسى مەن اۋدان اكىمدەرى وسى سۇراقتى ۇنەمى باقىلاۋدا ۇستاپ، جىلىتۋ ماۋسىمى كەزىندە كوممۋنالدىق جەلىلەردەگى تەحنيكالىق بۇزۋشىلىقتاردى جويۋ شارالارىن جەدەل قابىلداۋدى تاپسىردى.
سونداي-اق، جيىندا وڭىردەگى سانيتارلىق-ەپيدەميولوگيالىق جاعدايعا قاتىستى ماسەلە دە قارالدى.
جاعداي تۇراقتى، الايدا وبلىس باسشىسىن حالىقارالىق جۇك تاسىمالداۋمەن اينالىساتىن كولىك جۇرگىزۋشىلەرى الاڭداتادى. «جايساڭ» كولىك بەكەتىندە تۇركىستان وبلىسىنىڭ ەكى تۇرعىنى مەن رف ازاماتىنان پتر تەستىنىڭ وڭ ناتيجەسى انىقتالدى. ولار تۇرعىلىقتى جەرلەرى بويىنشا ەم قابىلدايتىن بولادى. الىسقا قاتىنايتىن كولىك جۇرگىزۋشىلەرىنىڭ ءوڭىر تۇرعىندارىمەن بايلانىسۋىنا جول بەرمەۋ ءۇشىن ءىس-قيمىل الگوريتمىن ازىرلەۋ جوسپارلانىپ وتىر. سوعان سايكەس، تاسىمالداۋشىلار ءوڭىردىڭ اۋماعىنان شىعىپ كەتكەنشە ارنايى قىزمەت ماماندارى ەرىپ جۇرەتىن بولادى. وڭداسىن ورازالين جەرگىلىكتى اكىمدىك، پوليتسيا جانە تاۋارلار مەن قىزمەتتەردىڭ ساپاسىن جانە قاۋىپسىزدىگىن باقىلاۋ دەپارتامەنتتەرىنىڭ وكىلدەرىنە كولىك وتەتىن جەرلەردەگى باقىلاۋ جۇمىسىن كۇشەيتۋدى تاپسىردى.
وڭداسىن ورازالين جىلىتۋ ماۋسىمىنىڭ وتۋىنە باقىلاۋ جۇمىسىن كۇشەيتۋدى تاپسىردى
03.11.2020
1939
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз