باعدات قوجاحمەتوۆتى قىزمەتىنەن توقاەۆ كەتىردى مە؟

2604
Adyrna.kz Telegram

«مەملەكەت باسشىسى قاسىم-جومارت توقاەۆتىڭ قازاقشاسىنا كوڭىلىم تولمايدى» دەپ سىناعان باعدات قودجاحمەتوۆ دەنساۋلىق ساقتاۋ مينيسترلىگىنىڭ رەسمي وكىلى قىزمەتىنەن كەتتى دەپ حابارلايدى «ادىرنا» ۇلتتىق پورتالى kznews.kz سايتىنا سىلتەمە جاساپ.

دەنساۋلىق ساقتاۋ مينيسترلىگى كوررەسپوندەنتىمىزدىڭ رەسمي سۇراۋىنا جاۋاپ رەتىندە قوجاحمەتوۆپەن كەلىسىمشارت بۇزىلعانىن حابارلادى.

«تاراپتاردىڭ كەلىسىمى بويىنشا 2020 جىلى 29 قازاندا كەلىسىمشارت بۇزىلدى. سونىمەن قاتار، مينيسترلىكتە ب. قوجاحمەتوۆتىڭ الداعى جۇمىس ورنى تۋرالى مالىمەت جوق ەكەنىن حابارلايمىز»، – دەپ جازدى ۆەدومستۆو وكىلدەرى.

قوجاحمەتوۆ تەلەفون ارقىلى بەرگەن سۇحباتىندا ءوزىنىڭ كەتۋىن «ميسسياسىن ورىنداعانىمەن» ءتۇسىندىردى. ەندى ول بيزنەسكە كوبىرەك ۋاقىت بولگىسى كەلەدى.

«مەن ەرىكتى تۇردە كومەكتەستىم. دارىگەرلەر مەنى ءۇش رەت ولىمنەن قۇتقاردى. كوروناۆيرۋس جۇقتىرىپ، ساۋىقاننان كەيىن اق حالاتتى ابزال جاندارعا العىس رەتىندە ولارعا كوممۋنيكاتسيا رەتتەۋگە كومەكتەسۋ پارىزىم دەپ شەشتىم. مەديا ورتالىق قۇرىپ، جاقسى ءباسپاسوز حاتشىسىن تابۋعا كومەكتەستىك، ءبىز جۇيەنى رەتكە كەلتىردىك.

قازىر ءبارى جۇمىس ىستەپ تۇر، ياعني مەنىڭ فۋنكتسيام ورىندالدى. مەنىڭ ءوز بيزنەس-جوبالارىم بار، ولارعا كوبىرەك كوڭىل ءبولۋىم كەرەك»، – دەدى باعدات قوجاحمەتوۆ.

ول قىزمەتىنەن ۆەدومستۆومەن جانجالعا بايلانىستى كەتتى دەگەن قاۋەسەتتى دە جوققا شىعاردى.

«قانداي داۋ بولۋى مۇمكىن؟ ولار ريزا، بارلىعى باقىتتى»، – دەدى ول.

باعدات قوجاحمەتوۆ دەنساۋلىق ساقتاۋ مينيسترلىگىنىڭ رەسمي وكىلى بولىپ بيىل شىلدەدە تاعايىندالعان بولاتىن. ول بريفينگتەردە ءسوز سويلەپ، جۋرناليستەردىڭ سۇراقتارىنا جاۋاپ بەرىپ ءجۇردى.

باعدات قوجاحمەتوۆ مەدياداعى كارەراسىن 1991 جىلى باستاعان، تەلەديداردا ديكتور بولعان. ول كوپ جىلدار بويى ءىرى ۇيىمداردىڭ PR بولىمىندە جۇمىس ىستەگەن، ءىىم رەسمي وكىلى دە بولعان.

ول «31 ارنانى» جەتى جىل باسقارعان. ال ديرەكتور قىزمەتىنەن 2018 جىلى كەتكەن.

 

پىكىرلەر