«Memleket basshysy Qasym-Jomart Toqaevtyń qazaqshasyna kóńilim tolmaıdy» dep synaǵan Baǵdat Qodjahmetov Densaýlyq saqtaý mınıstrliginiń resmı ókili qyzmetinen ketti dep habarlaıdy «Adyrna» ulttyq portaly kznews.kz saıtyna silteme jasap.
Densaýlyq saqtaý mınıstrligi korrespondentimizdiń resmı suraýyna jaýap retinde Qojahmetovpen kelisimshart buzylǵanyn habarlady.
«Taraptardyń kelisimi boıynsha 2020 jyly 29 qazanda kelisimshart buzyldy. Sonymen qatar, mınıstrlikte B. Qojahmetovtyń aldaǵy jumys orny týraly málimet joq ekenin habarlaımyz», – dep jazdy vedomstvo ókilderi.
Qojahmetov telefon arqyly bergen suhbatynda óziniń ketýin «mıssııasyn oryndaǵanymen» túsindirdi. Endi ol bızneske kóbirek ýaqyt bólgisi keledi.
«Men erikti túrde kómektestim. Dárigerler meni úsh ret ólimnen qutqardy. Koronavırýs juqtyryp, saýyqannan keıin aq halatty abzal jandarǵa alǵys retinde olarǵa kommýnıkaııa retteýge kómektesý paryzym dep sheshtim. Medıa ortalyq quryp, jaqsy baspasóz hatshysyn tabýǵa kómektestik, biz júıeni retke keltirdik.
Qazir bári jumys istep tur, ıaǵnı meniń fýnkııam oryndaldy. Meniń óz bıznes-jobalarym bar, olarǵa kóbirek kóńil bólýim kerek», – dedi Baǵdat Qojahmetov.
Ol qyzmetinen vedomstvomen janjalǵa baılanysty ketti degen qaýesetti de joqqa shyǵardy.
«Qandaı daý bolýy múmkin? Olar rıza, barlyǵy baqytty», – dedi ol.
Baǵdat Qojahmetov Densaýlyq saqtaý mınıstrliginiń resmı ókili bolyp bıyl shildede taǵaıyndalǵan bolatyn. Ol brıfıngterde sóz sóılep, jýrnalısterdiń suraqtaryna jaýap berip júrdi.
Baǵdat Qojahmetov medıadaǵy karerasyn 1991 jyly bastaǵan, teledıdarda dıktor bolǵan. Ol kóp jyldar boıy iri uıymdardyń PR bóliminde jumys istegen, IIM resmı ókili de bolǵan.
Ol «31 arnany» jeti jyl basqarǵan. Al dırektor qyzmetinen 2018 jyly ketken.
