قازاقستان كوروناۆيرۋس ينفەكتسياسىنان بولعان پاندەميانىڭ بولجامدى ەكىنشى تولقىنىمەن كۇرەسۋ ءۇشىن قوسىمشا 238,7 ملرد تەڭگە جۇمسايدى. بۇ تۋرالى بۇگىن پارلامەنت سەناتىنىڭ جالپى وتىرىسىندا «»2020-2022 جىلدارعا ارنالعان رەسپۋبليكالىق بيۋدجەتتى ناقتىلاۋ تۋرالى زاڭ جوباسىن» تانىستىرعان قارجى ءمينيسترى ەرۇلان جاماۋباەۆ ءمالىم ەتتى، دەپ حابارلايدى «ادىرنا» ۇلتتىق پورتالى.
ايتا كەتەيىك، زاڭ جوباسىن 21-قازان كۇنى ءماجىلىس ماقۇلداعان بولاتىن.
ەرۇلان جاماۋباەۆتىڭ ايتۋىنشا، بيۋدجەتكە ناقتىلاۋ ەنگىزۋدىڭ باستى مىندەتى دارىگەرلەرگە ماتەريالدىق قولداۋ كورسەتۋ جانە COVID-19-دىڭ تارالۋ مۇمكىندىگىنىڭ ەكىنشى تولقىنىنا قارسى بەلسەندى شارالار قابىلداۋ.
«وسى ماسەلەلەردى شەشۋ ءۇشىن 238,7 ملرد. تەڭگە سوماسىندا قوسىمشا قارجى كوزدەلدى.شىعىستار مىناداي باعىتتارعا جۇمسالادى.
اتاپ ايتساق، كارانتين ءىس-شارالارىن جۇرگىزۋگە تارتىلعان مەديتسينا قىزمەتكەرلەرىنە جالپى سوماسى 143,4 ملرد. تەڭگەگە قوسىمشا اقى تولەۋ. ەكىنشى، تەگىن مەديتسينالىق كومەكتىڭ كەپىلدەندىرىلگەن كولەمى شەڭبەرىندە COVID – 19-دىڭ تارالۋىنا جول بەرمەۋ ماقساتىندا مەديتسينالىق قىزمەتتەرگە اقى تولەۋگە 83 ملرد تەڭگە جۇمساۋ. ۇشىنشىدەن، ىشكى ىستەر ورگاندارىنىڭ قىزمەتكەرلەرىنە ەپيدەمياعا قارسى ءىس-شارالارعا قاتىسقانى ءۇشىن سىيلىقاقىلار تولەۋگە 11,7 ملرد تەڭگە بولىنەدى»، -دەپ حابارلادى جاماۋباەۆ.
بۇدان وزگە، ەكونوميكانىڭ ناقتى سەكتورىن دامىتۋعا جانە كۇش قۇرىلىمدارىن الەۋمەتتىك قولداۋعا 261,7 ملرد.تەڭگە سوماسىندا شىعىستار كوزدەلگەن.
«ادىرنا» ۇلتتىق پورتالى
