Kaspi Bank كليەنتتەرى ءوز ەسەپشوتىنداعى اقشانىڭ جوعالىپ كەتكەنىن انىقتادى، دەپ حابارلايدى «ادىرنا» ۇلتتىق پورتالى.
وسىعان وراي، بانك وكىلدەرى جاپپاي اقشانىڭ جوعالۋ سەبەبىن ءتۇسىندىردى.
«وكىنىشكە قاراي، Kaspi.kz قوسىمشاسىندا تەحنيكالىق اقاۋلار ورىن الدى. كارتوچكالار ارقىلى تولەم جاساۋ، بانكوماتتاردان اقشا الۋ جانە تولتىرۋ، سونداي-اق تولەمدەر مەن اۋدارىمدار جاساۋ ۋاقىتشا قولجەتىمدى ەمەس.ءبىز ءبارىن تەزىرەك تۇزەتۋگە تىرىسىپ جاتىرمىز، قولايسىزدىق ءۇشىن كەشىرىم سۇرايمىز", — دەدى بانك.
ايتا كەتەيىك، قازىرگى تاڭدا بانك كليەنتتەرى الەۋمەتتىك جەلىلەردە Kaspi.kz ءموبيلدى قوسىمشاسىندا شوتتاردىڭ بوساپ قالعانى تۋرالى جازۋدا.
«ادىرنا» ۇلتتىق پورتالى
