فرانتسيادا وسى ەلدىڭ بۇرىڭعى پرەزيدەنتى نيكوليا ساركوزيدىڭ ۇستىنەن قىلمىستىق ءىس قوزعالىپتى.
ول — پرەزيدەنت بوپ تۇرعان تۇستا ۇيىمداسقان قىلمىستىق توپ قۇرعان ەكەن. ول — ءوز پرەزيدەنتتىك كامپانياسىن قارجىلاندىرۋ ءۇشىن كاددافيدەن قوماقتى اقشا العان. ول — سول قىلمىستى اقشانىڭ ءىزىن جاسىرۋ ءۇشىن ليۆيادا "اراپ كوكتەمى" باستالعاندا ءوزىنىڭ تىكەلەي نۇسقاۋىمەن فرانتسۋز ارنايى قىزمەت ورىندارىنىڭ قولىمەن كاددافيدى ولتىرتكەن.
ول ول ما، پرەزيدەنت ساركازي ءوز ەلىندە وسى بىلىقتى بىلەتىن فرانتسۋز زاڭگەرلەرىن قۋعىنداپ، ولارعا قوقان - لوققى جاساپ ءۇنىن ءوشىرىپ وتىرعان.
ال ەندى وسى ساركازي، 2008 جىلى پۋتين گرۋزياعا باسىپ كىرگەندە، دەرەۋ سااكاشۆيليگە ۇشىپ كەلىپ ءبىر كۇن، ءبىر ءتۇن ونىڭ قاسىنان شىقپاي، "پۋتين سەنى قۇرتادى، سويتەدى" دەپ سااكاشۆيليدى قورقىتا وتىرىپ، وڭتۇستىك وسەتيانىڭ رەسەيدىڭ قول استىنا وتەتىنىن ماقۇلدايتىن، ياعني پۋتينگە ىڭعايلى كەلىسىمشارتقا قول قويۋىن جاتىپ الىپ سۇراعان.
وعان سااكاشۆيلي كونبەگەن. بۇل ەستەلىكتى سااكاشۆيلي ءوز كىتابىندا جازدى، سونشا مارتە ءوز سۇحباتتارىندا دا ايتىپ ءجۇر.
فرانتسيانىڭ وسىنداي باسشىلارى، قازىر شىن مانىسىندە حالىقارالىق ارەنادا تەك قانا ءپۋتيننىڭ قولبالاسى بولۋعا جاراپ تۇر. شىنى كەرەك، وسىنداي سىرتقى ساياساتتا بوسبەلبەۋ باسشىلار - ءوز جەرىندەگى سايلاۋشى ەلەكتوراتتىڭ جارىم - جارتى پروتسەنتى ءۇشىن حالىقارالىق ارەنادا گەوساياسي ويىنشىنىڭ ءتۇرىن سومداپ جۇرگەن "اكتەرلار". ءتورت - بەس جىل وتىرىك الاشاپقىن بولادى دا، كەتەدى.
بۇل "اكتەرلار", گرۋزين ءۇشىن ءوزىنىڭ مەملەكەتتىك تەرريتورياسى، ۋكراين ءۇشىن "ۋكراينانىڭ شەكاراسى" دەگەن تۇسىنىكتەر بۇ حالىقتار ءۇشىن قانشالىقتى ماڭىزدى، ولاردىڭ جان جاراسى بوپ كەلەتىنىن ەشقاشان تۇسىنبەي ءوتۋى مۇمكىن.
ۋكراينا دا وسىلارعا قاراپ جالتاقتاي وتىرىپ، قىرىمىنان دا، باسقاسىنان دا ايىرىلدى. ال بۇلار بىتپەيتىن سانكتسيالارىن سىزدىقتاتىپ ءپۋتيندى ابدەن قۇتىرتتى.
ءجاي جۇرسە ءبىر ءسارى، ول ازداي قازىرگى وسى پرەزيدەنت ماكرون، كەزىندە ليۆياعا كەلىپ ويىنا كەلگەنىن ىستەگەن "ستراتەگ" ءپۋتيندى قىزۋ قولدادى، ياعني، ونىڭ كوكالا قولجاۋلىعى بولدى.
سيريادا دا وسى ماكرون ءپۋتيننىڭ قولىندا جاۋلىقتاي جەلبىرەدى. سوعىس وتى جانعان جەردە اسادتى قولداپ شوقتى ۇرلەدى دە وتىردى. "وداقتاستار" مىس.
ماكرون وسىلاي پۋتين ارقىلى ەردوعاننىڭ بالاعىنا جارماسىپ وتىردى.
بىراق توبەدەن ساپ ەتە قالعان رەجەپ تايىپ ەردوعان، بۇلاردىڭ ول جوسپارىن بۇزىپ، پۋتين مەن ماكروننىڭ وداقتاسى- حافتار مەن اسادتى تالقانداپ، سيريا مەن ليۆيانى رەتكە كەلتىرىپ، اناۋ اساد پەن حافتاردى ەندى قىلمىسكەر قىپ سوتقا تارتقالى وتىر. ولاردىڭ داۋرەنى ەندى ءبىتتى.
مىنالاردىڭ (پۋتين + ماكرون) دا ويىندارى وسىلدى.
شىن مانىندە تۇركيا ەلى، ءوزىنىڭ ىقپالىنداعى ايماقتى "ۆوينۋشكي" ويناپ جۇرگەن وسىنداي شالاعاي "اكتەرلار" مەن "ستراتەگتەردەن" وسىلاي تازارتىپ جاتىر.
ەندى مەن وسى ماكرون سىرتقى ساياساتتا قانداي سالماقتى ەرلىك جاساعان ەكەن دەپ ويلانىپ كورسەم، ماكروننىڭ بار وجەتتىگى داۋىسى دىرىلدەپ، پۋتينگە "مىندا ماماندار ناۆالنىيدى ءسىز ۋلادى دەپ جاتىر، سول راس پا؟" دەگەنگە عانا جەتكەن ەكەن. ودان باسقاسى ەسىمە كەلمەدى.
ەندى وسى ماكرون... ءوز ەلىندەگى ءبىر مۇسىلمان بالا، مۇعالىمدى ءولتىرىپ قويدى دەپ كۇللى جاھانعا جار سالىپ مۇسىلمان الەمىنە كۇرەس جاريالاي سالدى...
ارينە، بۇل جەردە انا وقۋشىنىڭ ۇستازىن ولتىرگەن قىلمىسىن ەش اقتاۋعا بولمايدى. بۇل - جاۋىزدىق جانە جابايىلىق.
مەنىڭشە، بۇل جەردە سول وقۋشىنى قىلمىسقا يتەرگەن اناۋ ۇستازدىڭ دا وڭىپ تۇرعانى شامالى.
كۇللى مۇسىلمانعا قۇرمەتتى ءدىني تۇلعانىڭ كاريكاتۋراسىنىڭ جانىندا تۇرىپ الىپ ونىڭ وقۋشىلارعا نەندەي ءسوز بوستاندىعى تۋرالى كوكىگەنى، ايتپاسا دا بەلگىلى.
بۇل ەلدە اتام زاماننان بەرى ميلليونداعان مۇسىلمان تۇرادى. فرانتسيا - ءبىر كەزدە، دە گول ازاتتىعىن بەرىپ جونىنە جىبەرگەن ارابتاردىڭ مەتروپولياسى بولدى جانە ۇزاق ۋاقىت سولاي بولادى.
فرانكومۇسىلماندار - بۇگىندە فرانتسيانىڭ اجىراماس ءبىر بولشەگى، تاريحى، ونەرى، سپورتى تاعىسىن تاعى...
وسىنىڭ ءبارىن جوققا شىعارىپ ءوز ەلىندەگى ميلليونداعان ازاماتتاردى دەرەۋ قىسىمعا الىپ ويبايلاپ جاتقان مىنا ماكرون، ءوزىنىڭ مەملەكەت باسقارۋدا شيكىلىگىن، شالاعايلىعىن كورسەتتى، سارىاۋىز شيكى ەكەن راس.
بۇگىنگى فرانتسياداي دەرجاۆانىڭ پرەزيدەنتى ماكروننىڭ، كوشەدەگى ايعايشى، اسىرە، فاشيست ليپەندەردەن ەش ايىرماسى بولماي قالدى.
"زايىرلى مەملەكەت بارشا كونفەسسيانىڭ ۇستىنەن بيىك تۇرۋ كەرەك" دەگەن ەۋروپالىق تۇسىنىك تە ادىرەم قالدى.
ەردوعان دۇرىس ايتتى وعان. "اقىماق ەكەنسىڭ" دەدى. "مەملەكەت باسقارماس بۇرىن الدىمەن ەمدەل" دەدى.
قىسقاسى، مىنا شيكىوكپەلەردىڭ قاسىندا رەجەپ تايىپ ەردوعان - ناعىز ەر بوپ تۇر. ول - قايراتكەر.
ەردوعان شارۋا شەشىپ ءجۇر. ەشكىمنەن قايمىقپاي زاڭسىز باسىپ العان جەرلەردى قايتارىپ جاتىر، ءوز ايماعىندا ءتارتىپ ورناتىپ جاتىر....
بالاعىنان العان «سوپلياكتاردى» دا تەۋىپ جاتىر...
وعان گرۋزين مەن ۋكراين، مولدوۆان سىندى ەۋرازيالىق حالىقتار ىشتەي ءتۇيىنىپ، قىزىعا قاراپ وتىر. باسقانىڭ ءجونى باسقا، ءبىز - ەۋرازيا حالىقتارى بۇندايدى تۇسىنەمىز.. ال انالار...
راسىندا ەردوعان كىم، ماكرون دەگەن كىم...
ولجاس ءابىلدىڭ Facebook پاراقشاسىنان الىندى.
