Franııada osy eldiń buryńǵy prezıdenti Nıkolıa Sarkozıdiń ústinen qylmystyq is qozǵalypty.
Ol — prezıdent bop turǵan tusta uıymdasqan qylmystyq top qurǵan eken. Ol — óz prezıdenttik kampanııasyn qarjylandyrý úshin Kaddafıden qomaqty aqsha alǵan. Ol — sol qylmysty aqshanyń izin jasyrý úshin Lıvııada "arap kóktemi" bastalǵanda óziniń tikeleı nusqaýymen franýz arnaıy qyzmet oryndarynyń qolymen Kaddafıdi óltirtken.
Ol ol ma, Prezıdent Sarkazı óz elinde osy bylyqty biletin franýz zańgerlerin qýǵyndap, olarǵa qoqan - loqqy jasap únin óshirip otyrǵan.
Al endi osy Sarkazı, 2008 jyly Pýtın Grýzııaǵa basyp kirgende, dereý Saakashvılıge ushyp kelip bir kún, bir tún onyń qasynan shyqpaı, "Pýtın seni qurtady, sóıtedi" dep Saakashvılıdi qorqyta otyryp, Ońtústik Osetııanyń Reseıdiń qol astyna ótetinin maquldaıtyn, ıaǵnı Pýtınge yńǵaıly kelisimshartqa qol qoıýyn jatyp alyp suraǵan.
Oǵan Saakashvılı kónbegen. Bul estelikti Saakashvılı óz kitabynda jazdy, sonsha márte óz suhbattarynda da aıtyp júr.
Franııanyń osyndaı basshylary, qazir shyn mánisinde halyqaralyq arenada tek qana Pýtınniń qolbalasy bolýǵa jarap tur. Shyny kerek, osyndaı syrtqy saıasatta bosbelbeý basshylar - óz jerindegi saılaýshy elektorattyń jarym - jarty proenti úshin halyqaralyq arenada geosaıası oıynshynyń túrin somdap júrgen "akterlar". Tórt - bes jyl ótirik alashapqyn bolady da, ketedi.
Bul "akterlar", Grýzın úshin óziniń memlekettik terrıtorııasy, ýkraın úshin "Ýkraınanyń shekarasy" degen túsinikter bu halyqtar úshin qanshalyqty mańyzdy, olardyń jan jarasy bop keletinin eshqashan túsinbeı ótýi múmkin.
Ýkraına da osylarǵa qarap jaltaqtaı otyryp, Qyrymynan da, basqasynan da aıyryldy. Al bular bitpeıtin sankııalaryn syzdyqtatyp Pýtındi ábden qutyrtty.
Jáı júrse bir sári, ol azdaı qazirgi osy prezıdent Makron, kezinde Lıvııaǵa kelip oıyna kelgenin istegen "strateg" Pýtındi qyzý qoldady, ıaǵnı, onyń kókala qoljaýlyǵy boldy.
Sırııada da osy Makron Pýtınniń qolynda jaýlyqtaı jelbiredi. Soǵys oty janǵan jerde Asadty qoldap shoqty úrledi de otyrdy. "Odaqtastar" mys.
Makron osylaı Pýtın arqyly Erdoǵannyń balaǵyna jarmasyp otyrdy.
Biraq tóbeden sap ete qalǵan Rejep Taıyp Erdoǵan, bulardyń ol josparyn buzyp, Pýtın men Makronnyń odaqtasy- Haftar men Asadty talqandap, Sırııa men Lıvııany retke keltirip, anaý Asad pen Haftardy endi qylmysker qyp sotqa tartqaly otyr. Olardyń dáýreni endi bitti.
Mynalardyń (pýtın + makron) da oıyndary osyldy.
Shyn máninde Túrkııa eli, óziniń yqpalyndaǵy aımaqty "voınýshkı" oınap júrgen osyndaı shalaǵaı "akterlar" men "strategterden" osylaı tazartyp jatyr.
Endi men osy Makron syrtqy saıasatta qandaı salmaqty erlik jasaǵan eken dep oılanyp kórsem, Makronnyń bar ójettigi daýysy dirildep, Pýtınge "mynda mamandar Navalnyıdy siz ýlady dep jatyr, sol ras pa?" degenge ǵana jetken eken. Odan basqasy esime kelmedi.
Endi osy Makron... óz elindegi bir musylman bala, muǵalimdi óltirip qoıdy dep kúlli jahanǵa jar salyp musylman álemine kúres jarııalaı saldy...
Árıne, bul jerde ana oqýshynyń ustazyn óltirgen qylmysyn esh aqtaýǵa bolmaıdy. Bul - jaýyzdyq jáne jabaıylyq.
Menińshe, bul jerde sol oqýshyny qylmysqa ıtergen anaý ustazdyń da ońyp turǵany shamaly.
Kúlli musylmanǵa qurmetti dinı tulǵanyń karıkatýrasynyń janynda turyp alyp onyń oqýshylarǵa nendeı sóz bostandyǵy týraly kókigeni, aıtpasa da belgili.
Bul elde atam zamannan beri mıllıondaǵan musylman turady. Franııa - bir kezde, de Gol azattyǵyn berip jónine jibergen arabtardyń metropolııasy boldy jáne uzaq ýaqyt solaı bolady.
Frankomusylmandar - búginde Franııanyń ajyramas bir bólshegi, tarıhy, óneri, sporty taǵysyn taǵy...
Osynyń bárin joqqa shyǵaryp óz elindegi mıllıondaǵan azamattardy dereý qysymǵa alyp oıbaılap jatqan myna Makron, óziniń memleket basqarýda shıkiligin, shalaǵaılyǵyn kórsetti, saryaýyz shıki eken ras.
Búgingi Franııadaı derjavanyń prezıdenti Makronnyń, kóshedegi aıǵaıshy, ásire, fashıst Lıpenderden esh aıyrmasy bolmaı qaldy.
"Zaıyrly memleket barsha konfessııanyń ústinen bıik turý kerek" degen eýropalyq túsinik te ádirem qaldy.
Erdoǵan durys aıtty oǵan. "Aqymaq ekensiń" dedi. "Memleket basqarmas buryn aldymen emdel" dedi.
Qysqasy, myna shıkiókpelerdiń qasynda Rejep Taıyp Erdoǵan - naǵyz er bop tur. Ol - qaıratker.
Erdoǵan sharýa sheship júr. Eshkimnen qaımyqpaı zańsyz basyp alǵan jerlerdi qaıtaryp jatyr, óz aımaǵynda tártip ornatyp jatyr....
Balaǵynan alǵan «soplıaktardy» da teýip jatyr...
Oǵan grýzın men ýkraın, moldovan syndy eýrazııalyq halyqtar ishteı túıinip, qyzyǵa qarap otyr. Basqanyń jóni basqa, biz - eýrazııa halyqtary bundaıdy túsinemiz.. Al analar...
Rasynda Erdoǵan kim, Makron degen kim...
Oljas ÁBILDIŃ Facebook paraqshasynan alyndy.
