شىمكەنت قالاسىنىڭ اكىمى مۇرات ايتەنوۆتىڭ باستاماسىمەن، «جاستار رەسۋرستىق ورتالىعى» كمم-ءنىڭ ۇيىمداستىرۋىمەن «Birgemiz: Taza Alem» جالپىۇلتتىق جوباسى اياسىندا EcoSana سەنبىلىك اكتسياسىنىڭ 4 كەزەڭى ءال-فارابي اۋدانى ساۋلە شاعىناۋدانىنىڭ جاڭابازار كوشەسى (اسكەري بولىمشە) اۋماعىندا ءوتتى.
اكتسيانىڭ ماقساتى جاستاردىڭ ەكولوگيالىق ءبىلىمىن ارتتىرۋ جانە قورشاعان ورتانى تازا ۇستاۋ، تازالىق مادەنيەتىن قالىپتاستىرۋعا باعىتتالعان.
تازالىق ءىس-شاراسىنا قالا بەلسەندىلەرى، ۆولونتەرلىك ۇيىمدار، قوعامدىق كەلىسىم، جاستار ورتالىعى قىزمەتكەرلەرى مەن جوعارى جانە ورتا ارناۋلى وقۋ ورىندارىنان قۇرالعان 17 كوماندا جاساقتالىپ، 200-گە جۋىق بەلسەندى جاس قاتىستى.
سونداي-اق اكتسيا بارىسىندا ساۋلە شاعىناۋدانىنىڭ اۋماقتارىندا قوقىستار مەن باسقا دا تۇرمىستىق قالدىقتاردان تازارتۋ، الەۋمەتتىك نىسانداردىڭ اينالاسىنداعى قوقىس قالدىقتارىن شىعارۋ جانە تازالىق جۇمىستارى جۇرگىزىلدى.
Cەنبىلىك اكتسياسى سانيتارلىق-ەپيدەميولوگيالىق تالاپتاردى ساقتاي وتىرىپ، ۇيىمداستىرىلدى.
شىمكەنت قالاسى اكىمىنىڭ ءباسپاسوز قىزمەتى
