Şymkent qalasynyŋ äkımı Mūrat Äitenovtıŋ bastamasymen, «Jastar resurstyq ortalyǧy» KMM-nıŋ ūiymdastyruymen «Birgemiz: Taza Alem» jalpyūlttyq jobasy aiasynda EcoSana senbılık aksiiasynyŋ 4 kezeŋı Äl-Farabi audany Säule şaǧynaudanynyŋ Jaŋabazar köşesı (Äskeri bölımşe) aumaǧynda öttı.
Aksiianyŋ maqsaty jastardyŋ ekologiialyq bılımın arttyru jäne qorşaǧan ortany taza ūstau, tazalyq mädenietın qalyptastyruǧa baǧyttalǧan.
Tazalyq ıs-şarasyna qala belsendılerı, volonterlık ūiymdar, Qoǧamdyq kelısım, Jastar ortalyǧy qyzmetkerlerı men joǧary jäne orta arnauly oqu oryndarynan qūralǧan 17 komanda jasaqtalyp, 200-ge juyq belsendı jas qatysty.
Sondai-aq aksiia barysynda Säule şaǧynaudanynyŋ aumaqtarynda qoqystar men basqa da tūrmystyq qaldyqtardan tazartu, äleumettık nysandardyŋ ainalasyndaǧy qoqys qaldyqtaryn şyǧaru jäne tazalyq jūmystary jürgızıldı.
Cenbılık aksiiasy sanitarlyq-epidemiologiialyq talaptardy saqtai otyryp, ūiymdastyryldy.
Şymkent qalasy äkımınıŋ baspasöz qyzmetı
