ءبىلىم جانە عىلىم مينيسترلىگىنە قاراستى "ADAL BILIM" جوبالىق كەڭسەسىنىڭ باسشىسى تالعات نارىكباەۆ ء"بىلىم اعىمىن", جاستاردىڭ شەتەلگە جىلىستاۋىن توقتاتۋدىڭ نەگىزگى جولىمەن ءبولىستى، دەپ حابارلايدى "ادىرنا" ۇلتتىق پورتالى.
سوڭعى جىلدارى ەلىمىزدەن 100 مىڭنان استام تۇلەك شەتەلگە كەتكەن. ولاردىڭ اراسىندا بولاشاقتا قازاقستاننىڭ دامۋىنا ۇلكەن ۇلەس قوساتىن نەبىر تالانتتى جاستار، عىلىمي قىزمەتكەرلەر، ءورشىل، دارىندى جاڭا بۋىن وكىلدەرى بار. سونىمەن، نەلىكتەن جاستار شەتەلگە اعىلۋدا؟
"نەگىزگى سەبەپ — شەتەلدە ءومىر ءسۇرۋ ساپاسى مەن ءبىلىم بەرۋ دەڭگەيى بىزدەن ايتارلىقتاي جوعارى. ونىڭ ۇستىنە شەتەلدە ءبىلىم الۋ جىل سايىن قول جەتىمدى بولا ءتۇستى. ماسەلەن، گەرمانيادا جوعارى ءبىلىم الۋ تەگىن، باسقا ەلدەردىڭ جوعارى وقۋ ورىندارى دا وزگە ەل ازاماتتارىنا ءتۇرلى ستيپەنديالىق باعدارلامالار ۇسىنادى. قازاقستاندا دا ساپالى ءبىلىم الىپ، جۇمىس تاجىريبەسىنەن وتۋگە مۇمكىندىك بار، ارينە. ونى حالىقارالىق كومپانيالاردا تابىستى جۇمىس ىستەپ جۇرگەن ستۋدەنتتەرىمىز مەن بەن تۇلەكتەرىمىزدەن بىلەمىز.
مىسالى، قازاقستاننىڭ كەيبىر مىقتى جەكە مەنشىك ۋنيۆەرسيتەتتەر مەملەكەتتىك جوعارى وقۋ ورىندارى سياقتى ارزان گرانتتاردىڭ سانىنا ءۇمىت ارتپايدى. ءۇمىت ارتۋدىڭ ءوزى ءتيىمسىز ەكەنىن ءتۇسىندى. مۇنداي ۋنيۆەرسيتەتتەر شەتەلدىك ءبىلىمى بار مامانداردى تارتا وتىرىپ، كادرلار قۇرامىن كۇشەيتۋگە تىرىسادى. ماسەلەن KAZGUU ۋنيۆەرسيتەتى اقىلدى جاستاردىڭ شەتەلگە كەتۋىن توقتاتۋ ماقساتىندا الەمنىڭ ۇزدىك وقۋ ورىندارىمەن بايلانىس ورناتىپ، حالىقارالىق ءبىلىم بەرۋ سالاسىندا ۇزدىك دەپ تانىلعان وتاندىق اكادەميالىق كادرلاردى جيناپ وتىر. قازىر كەزدە KAZGUU-دە شەتەلدىك ءبىلىمى بار 100-دەن استام وقىتۋشى ساباق بەرەدى. ولار فرانتسيا، ۇلىبريتانيا،گەرمانيا، شۆەيتساريا، اقش، يسپانيا، قحر، سينگاپۋر، كيپر، ەگيپەت، ءۇندىستان، اۆستراليا، بولگاريا، ۋكراينا، رەسەي، تۇركيا ەلدەرىندە ءبىلىم العان.
وقىتۋشىلاردىڭ جارتىسىنا جۋىعى بولاشاق باعدارلاماسىنىڭ تۇلەكتەرى. گارۆارد، كەمبريدج، وكسفوردتى بىتىرگەن بۇل ازاماتتار ەركىن جانە كرەاتيۆتى ويلانادى، جوعارى اكادەميالىق تالاپتارعا سايكەس كەلەدى، قازىر ولار ءوز كەزەگىندە ستۋدەنتتەردىڭ وي-ورىسىنە جاقسى اسەر ەتۋدە. ستۋدەنتتەرگە شەتەلدىك بىلىمىنەن باسقا، ءوز سالاسىنداعى ەڭ مىقتى ماماندار ءدارىس بەرىپ جاتقانىن ءتۇسىنۋ ماڭىزدى. كاسىبي سالادا مۇعالىمنىڭ جوعارى دارەجەسىن وبەكتيۆتى تۇردە باعالايتىن، بەدەلدى سەرتيفيكاتتاۋ ستاندارتتارى بولادى. كازگيۋ وقىتۋشىلارىنىڭ باسىم كوپشىلىگىندە TKT, CELTA, DELTA, CFA, ACCA, FRM, SPHRi, CIPD, IPMA, GARP, IABFM سىندى حالىقارالىق كاسىبي سەرتيفيكاتتارى بار.
ەگەر ءبىز قازاقستاننىڭ ءبىلىم دەڭگەيىن باتىستىق دارەجەگە كوتەرىپ، پروفەسسورلىق قۇرامدى نىعايتساق، ساپالى ءبىلىم جۇيەسىن قۇرساق زياتكەرلىك كوشى-قون اعىنىن توقتاتامىز. كەرىسىنشە، شەتەلدىك تالاپكەرلەردى قازاقستانعا تارتۋعا مۇمكىندىك جاسايمىز", - دەدى تالعات نارىكباەۆ.
