ارىس اسكەري گورنيزونى اۋماعىندا تاسىمالداۋعا اسا قاۋىپتى بولىپ تابىلاتىن جارىلعىش زاتتاردى جويۋ جۇمىستارى جۇرگىزىلۋدە، دەپ حابارلايدى «ادىرنا» ۇلتتىق پورتالى ارىس قالاسى اكىمدىگىنە سىلتەمە جاساپ.
جوسپارعا سايكەس، اسكەري ءبولىمىنىڭ تەحنيكالىق اۋماعىندا تاسىمالداۋعا اسا قاۋىپتى بولىپ تابىلاتىن جارىلعىش زاتتاردى جويۋ جۇمىستارى كۇندەلىكتى ساعات 9.00 مەن 18.00 ارالىعىندا ءوتىپ جاتىر.
«جارىلعىش زاتتاردى ورتەۋ كەزىندە تەك قانا دىبىستىق اسەر مەن قارا ءتۇتىن بولادى. جەرگىلىكتى تۇرعىندارعا ءتونىپ تۇرعان قاۋىپ جوق»،-دەدى ءباسپاسوز قىزمەتى.
ەستەرىڭىزگە سالا كەتەيىك، 2019 جىلدىڭ 24 ماۋسىمىندا ارىستا جويقىن جارىلىس بولعان ەدى. قازىرگى تاڭدا 44859 اسكەري ءبولىمىنىڭ ارنايى تەحنيكالىق اۋماعىندا ايماقتى وق-دارىدەن تازارتۋ جۇمىستارى جۇرگىزىلىپ جاتىر.
«ادىرنا» ۇلتتىق پورتالى
