توڭازىتقىشتان ەكى جاسار بالانىڭ دەنەسى تابىلدى

2641
Adyrna.kz Telegram

الماتى وبلىسىندا ەكى جاستاعى ءبۇلدىرشىننىڭ ءولىمى اشىلدى دەپ حابارلايدى «ادىرنا» ۇلتتىق پورتالى polisia.kz-كە سىلتەمە جاساپ.

2020 جىلدىڭ 5 قازانىندا ساعات 16:00 شاماسىندا قاراتال اپب كەزەكشى بولىمىنە ۇشتوبە قالاسىنداعى جەكە ۇيلەردىڭ بىرىنەن ەكى جاستاعى بالانىڭ ءولى دەنەسى تابىلعانى تۋرالى حابارلاما كەلىپ ءتۇستى. اتالعان دەرەك قر قك-ءنىڭ 99-بابى 3-بولىگى (جاس بالانى ءولتىرۋ) بويىنشا تىركەلدى. پوليتسياعا بالانىڭ شەشەسىنىڭ تۋعان اپكەسى حابارلاسقان. ونىڭ ايتۋىنشا، ول شىلدە ايىنان باستاپ جيەنىن كورمەگەن. ءسىڭلىسى اپكەسىنە بالانى تالدىقورعان قالاسىندا جالدامالى تاربيەشىگە بەرگەنىن ايتىپ، ۇيىنە كىرگىزبەگەن. ىشتەي كۇدىكتەنگەن əيەل، ونىڭ جوقتىعىن پايدالانىپ، تەرەزە ارقىلى ۇيگە كىرىپ، مۇزداتقىشتان بالانىڭ ءمايىتىن تاپقان.

پوليتسەيلەر دەرەۋ كۇدىكتىنى ىزدەستىرۋ شارالارىن جۇرگىزىپ، بىرنەشە ساعات ىشىندە ۇشتوبە قالاسىنىڭ 27 جاستاعى تۇرعىنىن ۇستادى. كۇدىكتى ۇلىن ولتىرگەنىن مويىنداعان. ايەلدىڭ ايتۋىنشا، ول بالانىڭ اكەسىمەن اجىراسقان. كۇدىكتى ۋاقىتشا ۇستاۋ يزولياتورىنا قامالدى.

«ادىرنا» ۇلتتىق پورتالى

پىكىرلەر