شەتەلدىك قازاق جاستارى شىمكەنتتىڭ تۋريستىك نىساندارىنا ساياحاتتادى

1432
Adyrna.kz Telegram

شەتەلدە تۇراتىن ەتنيكالىق قازاق جاستارىمەن بايلانىس ورناتۋ ماقساتىندا سوڭعى جىلدارى بەلسەندى جۇمىستار جۇرگىزىلۋدە. وسىعان وراي، «وتانداستار قورى»، «دۇنيەجۇزى قازاقتارىنىڭ قاۋىمداستىعى» رقب جانە «جاس قازاق» حالىقارالىق جاستار ۇيىمى «كيەلى قازاقستان» جوباسى اياسىندا ءۇشىنشى رەت قازاقستاننىڭ كيەلى جەرلەرىنە ساياحات ۇيىمداستىردى.

ءىس-شارانىڭ ماقساتى – قانداستاردى «كيەلى قازاقستان» باعدارلاماسى ارقىلى كورنەكتى جەرلەرىمەن تانىستىرا وتىرىپ، «رۋحاني جاڭعىرۋ» باعدارلاماسىنىڭ نەگىزىندە ءبىلىم، مادەني-گۋمانيتارلىق مۇمكىندىكتەر تۋرالى اقپارات بەرۋ; شەتەلدەگى ەتنيكالىق قازاقتاردى قولداۋ بويىنشا جۇرگىزىلىپ جاتقان جۇمىستار جايلى حاباردار ەتۋ; بولاشاقتا ەتنيكالىق قازاق جاستاردىڭ بىرلەسىپ جۇمىس ىستەۋىنە، بايلانىستارىنىڭ نىعايۋىنا تۇرتكى بولۋ.
قازاقستاننىڭ ءتۇرلى قالالارىندا ءبىلىم الىپ جاتقان قانداس جاستار بۇل جولى شىمكەنت جانە تۇركىستان وبلىسىنا ساياحاتتادى. ەلىمىزدىڭ جەتەكشى وقۋ ورىندارىندا ءبىلىم الاتىن 20 شاكىرت.
ءىس-شارا ەكى كۇنگە جوسپارلانعان بولاتىن. جيىننىڭ العاشقى كۇنى شىمكەنتتە «قانداس جاستارمەن – بولاشاققا» اتتى دوڭگەلەك ۇستەل ۇيىمداستىرىلدى. باسقوسۋدا قانداس جاستار بىرقاتار اتقارىلىپ جاتقان جوبالارمەن تانىستى. ودان ءارى قاراي شىمكەنت ماڭىنداعى كيەلى جەرلەردى تاماشالادى. سايرام تاريحىمەن تانىسىپ، دەندرولوگيالىق ساياباق تۋرالى تانىمدارىن ارتتىردى.
ەكىنشى كۇنى قاتىسۋشىلار تۇركىستان قالاسىنا اتتاندى.

شىمكەنت قالاسىنىڭ اقپاراتتىق-كوممۋنيكاتسيالىق ورتالىعى

پىكىرلەر