Shetelde turatyn etnıkalyq qazaq jastarymen baılanys ornatý maqsatynda sońǵy jyldary belsendi jumystar júrgizilýde. Osyǵan oraı, «Otandastar qory», «Dúnıejúzi qazaqtarynyń qaýymdastyǵy» RQB jáne «Jas qazaq» halyqaralyq jastar uıymy «Kıeli Qazaqstan» jobasy aıasynda úshinshi ret Qazaqstannyń kıeli jerlerine saıahat uıymdastyrdy.
Is-sharanyń maqsaty – qandastardy «Kıeli Qazaqstan» baǵdarlamasy arqyly kórnekti jerlerimen tanystyra otyryp, «Rýhanı jańǵyrý» baǵdarlamasynyń negizinde bilim, mádenı-gýmanıtarlyq múmkindikter týraly aqparat berý; sheteldegi etnıkalyq qazaqtardy qoldaý boıynsha júrgizilip jatqan jumystar jaıly habardar etý; bolashaqta etnıkalyq qazaq jastardyń birlesip jumys isteýine, baılanystarynyń nyǵaıýyna túrtki bolý.
Qazaqstannyń túrli qalalarynda bilim alyp jatqan qandas jastar bul joly Shymkent jáne Túrkistan oblysyna saıahattady. Elimizdiń jetekshi oqý oryndarynda bilim alatyn 20 shákirt.
Is-shara eki kúnge josparlanǵan bolatyn. Jıynnyń alǵashqy kúni Shymkentte «Qandas jastarmen – bolashaqqa» atty dóńgelek ústel uıymdastyryldy. Basqosýda qandas jastar birqatar atqarylyp jatqan jobalarmen tanysty. Odan ári qaraı Shymkent mańyndaǵy kıeli jerlerdi tamashalady. Saıram tarıhymen tanysyp, dendrologııalyq saıabaq týraly tanymdaryn arttyrdy.
Ekinshi kúni qatysýshylar Túrkistan qalasyna attandy.
Shymkent qalasynyń Aqparattyq-kommýnıkaııalyq ortalyǵy
