شىمكەنتتىڭ «ستاندارت» كومانداسى فۋتبولدان اۋەسقويلار اراسىندا وتكەن قازاقستان چەمپيوناتىندا جەڭىمپاز اتاندى.
چەمپيونات 18-20 قىركۇيەك كۇندەرى نۇر-سۇلتان قالاسىندا ءوتتى. وعان 35 جاسقا دەيىنگى جاس كاتەگورياسىندا 32 كوماندا قاتىسىپ، 8 توپقا ءبولىنىپ باق سىنادى.
ءى توبىندا ساتپاەۆ قالاسىنىڭ «LFC JB - SATPAYEV»، قاراعاندىنىڭ «تچە-14» جانە جاڭاوزەننىڭ «ارلان» كوماندالارىنان باسىم تۇسكەن شىمكەنتتىك اياقدوپشىلار 1/8 فينالدا قاراعاندىنىڭ «پروگرەسس» كومانداسىن جەڭدى.
ال، شيرەك فينالدا اقتاۋ قالاسىنان كەلگەن «اتريۋم گەولوگ» كومانداسىن 1-0 ەسەبىمەن جەڭگەن جەرلەستەرىمىز جارتىلاي فينالدا قاراعاندىنىڭ «ك-MED» كومانداسىن ۇتتى. ەسەپ — 4-2.
فينالدىق كەزدەسۋ نۇر-سۇلتان قالاسىنىڭ «ەسىل» ساۋدا ءۇيى» كومانداسى مەن شىمكەنتتىك «ستاندارت» كومانداسىنىڭ اراسىندا ءوتتى. تارتىستى وتكەن ماتچتىڭ نەگىزگى ۋاقىتى 5-5 ەسەبىمەن تەڭ اياقتالدى. پەنالتيلەر سەرياسىندا شىمكەنتتىك فۋتبولشىلار 3-2 ەسەبىمەن جەڭىسكە جەتىپ، ەل چەمپيونى اتاندى.
وسىمەن 8 رەت ۇيىمداستىرىلعان چەمپيونات جەڭىمپازى شىمكەنتتىڭ «ستاندارت» كومانداسى ەندى ۋكراينادا وتەتىن الەم چەمپيوناتىنا قاتىسادى.
شىمكەنت قالاسى اكىمىنىڭ ءباسپاسوز قىزمەتى
