بالقاش كولى ارال تەڭىزىنىڭ تاعدىرىن قايتالايدى، ال ىلە مەن ەرتىس وزەندەرىنىڭ ەندى تۇششى سۋ كوزى بولمايدى. ەگەر قىتاي ءارى قاراي دا ورتالىق ازيانىڭ سۋ رەسۋرستارىن ءماجبۇرلى تۇردە الاتىن بولسا، قازاقستان وسىنىڭ ءبارىن باسىنان كەشەدى دەپ جازادى «ادىرنا» ۇلتتىق پورتالى «ەحو كازاحستانا» سايتىنا سىلتەمە جاساپ.
وسى جاعدايدى قاراستىرا وتىرىپ، پەكين ءالى كۇنگە دەيىن ترانسشەكارالىق سۋ وبەكتىلەرى بويىنشا حالىقارالىق سۋ اعىنىن ءادىل جانە اقىلعا قونىمدى تۇردە يگەرۋ مەن قورعاۋدى كوزدەيتىن قانداي دا ءبىر حالىقارالىق-قۇقىقتىق قۇجاتتارعا قول قويعان جوق. سوندىقتان اسپان استى ەلىنىڭ بيلىگى قىتايدا 80%-عا جۋىق قالىپتاساتىن ىلە جانە ەرتىس وزەندەرى سۋىنىڭ كوپ بولىگىن قىمسىنباي-اق الۋدا.
قىتايعا ورتالىق ازيانىڭ سۋ رەسۋرستارى نە ءۇشىن قاجەت؟ بارلىعى تۇسىنىكتى. ولار بەلسەندى دامىپ كەلە جاتقان شىڭجاڭ-ۇيعىر اۆتونوميالىق وكرۋگىنىڭ اۋماعىنا كىرۋدى ماقسات ەتەدى، ال بۇل شولەيت جەرلەردى سۋسىز دامىتۋ مۇمكىن ەمەس.
اسپان استى ەلى بالقاشتان دا سۋدىڭ ۇلكەن كولەمىن الىپ جاتىر، ونى سوڭعى 50 جىلدا كولدىڭ اۋدانى ەكى مىڭ شارشى مەترگە قىسقارعانىن ايعاقتايدى. وسىعان بايلانىستى بالقاش ارال تەڭىزىنىڭ تاعدىرىن قايتالاۋى مۇمكىن، بۇل، ارينە، ءبىزدىڭ مەملەكەتىمىزدىڭ اۋماعىنىڭ ۇشتەن ءبىر بولىگىن ەلەۋلى، ءارى مەرزىمى شەكتەلمەگەن سالدارعا اكەپ سوقتىرادى.
قازاقستان رەسپۋبليكاسىنىڭ ەڭ ءىرى سۋ قويمالارىنىڭ ءبىرى بولىپ تابىلاتىن قاپشاعاي سۋ قويماسىنا قاتىستى جاعدايدى دا اتاپ وتكىم كەلەدى.
اتاپ ايتقاندا، قىتاي تارابى سالدارىنان قاپشاعاي سۋ قويماسىنداعى سۋ كولەمى وتكەن جىلمەن سالىستىرعاندا ەكى ميلليارد تەكشە مەترگە تومەندەدى.
وسىنىڭ ءبارىن ەسكەرە وتىرىپ، ەگەر قىتاي قازاقستاننىڭ سۋ رەسۋرستارىن ودان ءارى الاتىن بولسا، بۇل اۋماقتاردىڭ شولەيتتەنۋىنە اكەلىپ سوعادى جانە اۋىل شارۋاشىلىعىن قاجەتتى سۋدان ايىرادى. مۇنداي ساياسات تابيعات پەن فاۋنانىڭ قۇرۋىنا جەتكىزىپ، ەلدى اپاتقا اكەلەدى.
حالىقارالىق قاتىناستاردى زەرتتەۋ ورتالىعىنىڭ ساراپشىسى مۇحتار اسانوۆ، «ەحو كازاحستانا» ءۇشىن ارنايى دايىنداعان مالىمەتتەرى وسىنداي. ەگەر ساراپشىنىڭ زەرتتەۋىن ءتيىستى مەكەمەلەر بۇگىن نازارعا الماسا، تاياۋدا ەن دالامىزدا قۇرعاقشىلىق جايلاپ، قازاقستان ءشول دالاعا اينالۋى ابدەن مۇمكىن ەكەن.
فوتو اشىق دەرەككوزدەن الىندى.
