«Nur Otan» ورتالىق اپپاراتى پارتيانىڭ جاڭادان قابىلدانعان مۇشەلەرى مەن «پرايمەريز» اقپاراتتىق جۇيەسىندە تىركەۋدەن وتكەندەرگە تالداۋ جۇرگىزگەن كورىنەدى. وسىلايشا، كەزەكتى تەكسەرۋ بارىسىندا ەلوردادا «ازيا ورتالىق سناب» جشس باستاۋىش پارتيا ۇيىمى قابىلداعان 2466 جاڭا پارتيا مۇشەسىنىڭ ەسەپتىك مالىمەتتەرى راستالمادى. 11 قىركۇيەكتەن 4 قازانعا دەيىن پارتياعا قابىلداۋ توقتاتىلعانىنا قاراماستان، 12-17 قىركۇيەك ارالىعىندا ازاماتتار پارتيا قاتارىنا قابىلدانعان. پارتيالىق باقىلاۋ كوميتەتىنىڭ توراعاسى پاۆەل كازانتسەۆتىڭ پىكىرىنشە، بۇل – ورەسكەل ءتارتىپ بۇزۋشىلىق.
پارتياعا كەيبىر «قاجەتتى» كانديداتتارعا داۋىس بەرۋدى ۇيىمداستىرۋ ءۇشىن وزدەرىنىڭ ءبىر ساتتىك ماسەلەلەرىن شەشەتىندەر، جاي عانا قارا كوبەيتەتىندەر قاجەت ەمەس. سوندىقتان داۋىس بەرۋ كەزىندە بۇرمالاۋدى بولدىرماۋ ءۇشىن پرايمەريز كەزەڭىندە پارتياعا قابىلداۋ توقتاتىلدى. وسى فاكتىلەردى ەسكەرە وتىرىپ، پارتيانىڭ استانالىق فيليالى «ازيا ورتالىق سناب» جشس بپۇ-داعى بارلىق پارتيا مۇشەلەرىنىڭ دەرەكتەرىن سالىستىرىپ، تەكسەرۋى ءتيىس، – دەپ مالىمدەدى كازانتسەۆ.
ءباسپاسوز قىزمەتىنىڭ مالىمەتىنشە، پارتيالىق باقىلاۋ كوميتەتىنىڭ تەكسەرىسى بارىسىندا پارتيا مۇشەلەرىن ءبىر تەلەفون نومىرىمەن تىركەۋ دەرەكتەرى انىقتالدى. مىسالى، اقمولا وبلىسىنىڭ بۋراباي اۋدانىندا «ءبىلىم بۋراباي» جانە «بىرلىك بۋراباي» بپۇ-دا پارتيانىڭ 105 مۇشەسىنىڭ ءبىر تەلەفون ءنومىرى بار. ال قاراعاندى وبلىسىنىڭ بالقاش قالاسىندا «ارداگەر»، «گۇلدەر»، «بالقاش ستانتسياسى» جانە «شيپاگەر» بپۇ-دا ءبىر تەلەفون ءنومىرىنىڭ يەلەرى 279 ادام بولدى.
وتىرىس قورىتىندىسى بويىنشا، ايماقتىق جانە اۋماقتىق پارتيالىق باقىلاۋ كوميسسيالارىنا بارلىق ايقىندالعان فاكتىنى انىقتاپ، كىنالىلەردى جازالاۋ تاپسىرىلدى. ەسكە سالا كەتەيىك، بۇعان دەيىن پارتيا توراعاسىنىڭ ءبىرىنشى ورىنباسارى باۋىرجان بايبەك پرايمەريزدە ونلاين داۋىس بەرۋدىڭ اشىقتىعىن قامتاماسىز ەتۋ ءۇشىن ارنايى راستاۋ (ۆەريفيكاتسيا) جۇيەسى (ينتەرنەت-بانكينگ ۇلگىسى بويىنشا جەكە تۇلعانى انىقتاۋ) قولدانىلاتىنىن ايتقان بولاتىن، - دەلىنگەن حابارلامادا.
پارتيانىڭ ءباسپاسوز قىزمەتى بارلىق ءتارتىپ بۇزۋشىلىق دەرەكتەرى بويىنشا 8 (800) 080 4441 «جەدەل جەلىگە» (قوڭىراۋ شالۋ تەگىن) نەمەسە komek@nurotan.kz ەلەكتروندى پوشتاسىنا حابارلاسۋعا بولاتىنىن اتاپ ءوتتى.
