Praimeriz: «Nur Otan» partiiasynyŋ müşelerı türlı qitūrqylyqqa baryp älek

«Nur Otan» ortalyq apparaty partiianyŋ jaŋadan qabyldanǧan müşelerı men «Praimeriz» aqparattyq jüiesınde tırkeuden ötkenderge taldau jürgızgen körınedı. Osylaişa, kezektı tekseru barysynda elordada «Aziia Ortalyq Snab» JŞS bastauyş partiia ūiymy qabyldaǧan 2466 jaŋa partiia müşesınıŋ eseptık mälımetterı rastalmady. 11 qyrküiekten 4 qazanǧa deiın partiiaǧa qabyldau toqtatylǧanyna qaramastan, 12-17 qyrküiek aralyǧynda azamattar partiia qataryna qabyldanǧan. Partiialyq baqylau komitetınıŋ töraǧasy Pavel Kazansevtıŋ pıkırınşe, būl – öreskel tärtıp būzuşylyq. Partiiaǧa keibır «qajettı» kandidattarǧa dauys berudı ūiymdastyru üşın özderınıŋ bır sättık mäselelerın şeşetınder, jai ǧana qara köbeitetınder qajet emes. Sondyqtan dauys beru kezınde būrmalaudy boldyrmau üşın praimeriz kezeŋınde partiiaǧa qabyldau toqtatyldy. Osy faktılerdı eskere otyryp, partiianyŋ astanalyq filialy «Aziia Ortalyq Snab» JŞS BPŪ-daǧy barlyq partiia müşelerınıŋ derekterın salystyryp, tekseruı tiıs, – dep mälımdedı Kazansev. Baspasöz qyzmetınıŋ mälımetınşe, partiialyq baqylau komitetınıŋ tekserısı barysynda partiia müşelerın bır telefon nömırımen tırkeu derekterı anyqtaldy. Mysaly, Aqmola oblysynyŋ Burabai audanynda «Bılım Burabai» jäne «Bırlık Burabai» BPŪ-da partiianyŋ 105 müşesınıŋ bır telefon nömırı bar. Al Qaraǧandy oblysynyŋ Balqaş qalasynda «Ardager», «Gülder», «Balqaş stansiiasy» jäne «Şipager» BPŪ-da bır telefon nömırınıŋ ielerı 279 adam boldy. Otyrys qorytyndysy boiynşa, aimaqtyq jäne aumaqtyq partiialyq baqylau komissiialaryna barlyq aiqyndalǧan faktını anyqtap, kınälılerdı jazalau tapsyryldy. Eske sala keteiık, būǧan deiın partiia töraǧasynyŋ bırınşı orynbasary Bauyrjan Baibek praimerizde onlain dauys berudıŋ aşyqtyǧyn qamtamasyz etu üşın arnaiy rastau (verifikasiia) jüiesı (internet-banking ülgısı boiynşa jeke tūlǧany anyqtau) qoldanylatynyn aitqan bolatyn, - delıngen habarlamada. Partiianyŋ baspasöz qyzmetı barlyq tärtıp būzuşylyq derekterı boiynşa 8 (800) 080 4441 «jedel jelıge» (qoŋyrau şalu tegın) nemese komek@nurotan.kz elektrondy poştasyna habarlasuǧa bolatynyn atap öttı.