ەلوردالىق ستۋدەنتتەر ارال تەڭىزىن 363 كەلى قوقىستان تازارتتى. ولار بالىقشىلاردان قالعان پلاستيكالىق اۋلاردى تەڭىز تۇبىنەن «زاكىر مىسىق» دەپ اتالاتىن ارنايى قۇرىلعىمەن الىپ شىققان. KAZGUU ۋنيۆەرسيتەتى بەلسەندى جاستارىنىڭ بۇل جوباسى قازاقستاننىڭ الەۋمەتتىك كاسىپكەرلەر فەستيۆالىندە ەرەكشە اتالىپ ءوتىلدى.
«ءبىز الەمدى جاقسارتقىمىز كەلەدى جانە قازىرگى ەكولوگيالىق پروبلەمالاردى شەشۋدە كرەاتيۆتى تاسىلدەر ۇسىنىپ ءجۇرمىز. مەملەكەت باسشىسى قاسىم-جومارت توقاەۆ بەلگىلەگەندەي، ەلىمىزگە ۆولونتەرلىك قوزعالىس كەرەك. ارال تەڭىزى ماسەلەسى ءبىزدىڭ زامانىمىزدىڭ ەڭ ماڭىزدى ەكولوگيالىق پروبلەمالارىنىڭ ءبىرى. العاشقىدا ارال تەڭىزىنىڭ تارتىلعانىن بىلەتىن بىراق، ءوز كوزىمەن كورمەگەن كوماندا مۇشەلەرى بولدى. ءبارىمىز جەرگىلىكتى حالقىمەن تانىسىپ، تەڭىزدى جاقىننان كورگەندە ەرەكشە اسەر الدىق»،- دەپ اتاپ ءوتتى كوماندا كاپيتانى دينارا كەۋلىمجانوۆا.
ارال قالاسىنىڭ تۇرعىندارىن قولداۋ ماقساتىندا جاستار تاعى ءبىر جوبا ۇسىنعان بولاتىن. ول ۇيلەردى جىلىتۋعا ارنالعان وتىن بريكەتتەرىنىڭ ءوندىرىسى. بريكەتتەر ءۇشىن ارال تەڭىزى ماڭىنداعى قامىستى پايدالانعان ەكەن. «ەكولوگيالىق وتىن ءتۇرى كومىرقىشقىل گازىن بولمەيدى. كومىرمەن سالىستىرعاندا، ۇزاق جانىپ، كۇلى عانا قالىپ قويادى جانە باعاسى دا ارزانداۋ»،- دەيدى دينارا كەۋلىمجانوۆا.
ستۋدەنتتەر بۇل يگى ىستەرمەن شەكتەلگەن جوق. فورۋمدار مەن كونفەرەنتسيالاردان قالعان ەسكى باننەرلەرگە ەكىنشى ءومىر سىيلاپ وتىر. كەرەكسىز باننەرلەردەن ارالدىق بالىقشىلار ءۇشىن ساپالى الجاپقىش تىگۋ جۇمىسىن جولعا قويدى. ناتيجەسىندە «انالار ۇيىندەگى» ايەلدەر جۇمىسپەن قامتىلدى.
Enactus KAZGUU كومانداسىنىڭ كەيستەرى بۇۇ تۇراقتى دامۋ سالاسىنداعى ماقساتتارىن جۇزەگە اسىرۋ جونىندەگى قازاقستاننىڭ ءبىرىنشى ەرىكتى ۇلتتىق ەسەبىنە ەنگىزىلدى. بۇل ەسەپ نيۋ-يورك قالاسىندا بۇۇ ساياسي فورۋمىندا تىڭدالدى.
Enactus ارىپتەستەرى 550 ءىرى حالىقارالىق جانە ۇلتتىق كومپانيالار: Microsoft, Pepsiسo, Cargill, HP, Bayer, Johnson & Johnson, EY, Dell, HSBC, Nestle, DHL, Pfizer, SAP جانە ت.ب.. ارىپتەس كومپانيالار Enactus-تى وزدەرىنىڭ بيزنەس-مىندەتتەرىن شەشۋ، سونداي-اق الەۋمەتتىك جاۋاپكەرشىلىك باعدارلامالارىن جۇزەگە اسىرۋ ءۇشىن پايدالانادى. Enactus ديرەكتورلار كەڭەسىنە Unilever, Coca-Cola, KPMG, Walmart, Ford, AIG, Tata-Motors, Cargill, American Greetings, Rich Products, Hershey سەكىلدى ءىرى كومپانيالاردىڭ توپ-مەنەدجەرلەرى كىرەدى.
م.س. نارىكباەۆ اتىنداعى كازگيۋ ۋنيۆەرسيتەتىنىڭ ءباسپاسوز قىزمەتى
