الماتىلىقتار ەرىك-جىگەرى مەن توزىمدىلىگىن، بىرلىگىن كورسەتە ءبىلدى - ساعىنتاەۆ

367

الماتى قالاسىنىڭ اكىمى باقىتجان ساعىنتاەۆ جۇرتشىلىقتى قالا كۇنىمەن قۇتتىقتادى، - دەپ حابارلايدى "ادىرنا" ۇلتتىق پورتالىنىڭ ءتىلشىسى.

"قۇرمەتتى الماتىلىقتار! بيىل قالا كۇنى ءسان سالتاناتتى تۇردە وتپەيتىن بولىپ تۇر. بارلىق ءىس-شارالار ونلاين وتەدى. پاندەميا بىزگە ساق بولۋدى، سانيتارلىق قاۋىپسىزدىك شارالارىن ساقتاپ، جاڭا تولقىنعا دايىن بولۋدى ۇيرەتتى.

بۇل ناۋبەت ادامداردى جاقىنداستىردى، قۇندىلىقتاردى وزگەرتىپ، جاقىنىمىزعا جاناشىر، قامقور بولۋعا ۇيرەتتى. قازىرگى قالىپتاسقان جاعدايدا ادامدار دارىگەر مەن ۇستازدىڭ، پوليتسيا مەن اسكەري قىزمەتكەردىڭ ەڭبەگىن باعالاي باستادى. ولاردىڭ الدىندا باس يەمىز. الماتىلىقتار، ادەتتەگىدەي، وزدەرىنىڭ ەڭ جاقسى قاسيەتتەرىن پاش ەتىپ، ەرىك-جىگەرى مەن توزىمدىلىگىن، بىرلىگىن كورسەتە ءبىلدى.

قىمباتتى قالا تۇرعىندارى، سىزدەردى قالا كۇنىمەن قۇتتىقتايمىن! ءار وتباسىعا زور دەنساۋلىق، باقىت پەن اماندىق تىلەيمىن! تۋعان كۇنىڭمەن، سۇيىكتى قالا!", دەپ جازدى Instagram پاراقشاسىندا.

ەستەرىڭىزگە سالا كەتسەك، 6 شىلدەدە نۇر-سۇلتان قالاسىنىڭ تۋعان كۇنىندە التاي كولگىنوۆ كومانداسى مەرەكەلىك وتشاشۋ ۇيىمداستىرعان.

"ادىرنا" ۇلتتىق پورتالى

فوتو اشىق دەرەككوزدەن الىندى

https://www.instagram.com/sagintayev.b/

 

پىكىرلەر
رەداكتسيا تاڭداۋى