Nur Otan پارتياسى زەينەتاقى جيناقتارىن مەرزىمىنەن بۇرىن الۋ كەزىندە 10%- دىق سالىق سالۋدان باس تارتۋدى ۇسىندى. بۇل تۋرالى Adyrna.kz Aikyn.kz - كە سىلتەمە جاساپ حابارلايدى.
مەملەكەت باسشىسى قاسىم-جومارت توقاەۆ ءوزىنىڭ قازاقستان حالقىنا جولداۋىندا 2021 جىلدىڭ وزىندە بىرىڭعاي جيناقتاۋشى زەينەتاقى قورىنىڭ 700 مىڭ سالىمشىسى ءوز جيناعىنىڭ ءبىر بولىگىن تۇرعىن ءۇي الۋعا، ەمدەلۋگە نەمەسە باسقارۋشى كومپانيالاردىڭ يەلىگىنە بەرۋگە پايدالانا الۋى مىندەتىن قويدى. ەل پرەزيدەنتى اتاپ وتكەندەي، بۇل ماسەلە اسىرەسە، ءدال قازىر ەرەكشە ماڭىزدى. ويتكەنى، ازاماتتاردىڭ «الەۋمەتتىك ءال-اۋقاتى، ەڭ الدىمەن، باسپانا ماسەلەسىنە تىكەلەي بايلانىستى».
سونىمەن قاتار سالىق كودەكسىنە سايكەس، قازاقستاندىقتاردىڭ زەينەتاقى جيناقتارىنىڭ مەرزىمىنەن بۇرىن الىنعان بولىگىنە 10 پايىزدىق تابىس سالىعى سالىناتىن بولادى.
وسىعان بايلانىستى، پارتيالىق كۋراتور، پارلامەنت ماجىلىسىندەگى Nur Otan پارتياسى فراكتسياسىنىڭ مۇشەسى ارتۋر پلاتونوۆ زەينەتاقى جيناقتارىن مەرزىمىنەن بۇرىن الۋ كەزىندە 10 پايىزدىق سالىق سالۋدى الىپ تاستاۋ بويىنشا زاڭناماعا وزگەرىستەر ەنگىزۋدى ۇسىندى.
«ازاماتتاردىڭ زەينەتاقى جيناقتارىن الۋ كەزىندە سالىق تۇرىندە ۇستاۋعا جوسپارلانعان قاراجات مەملەكەتتىڭ بارلىق ەكونوميكالىق ماسەلەلەرىن شەشپەيدى، بىراق تۇرعىن ءۇي ماسەلەسىن شەشۋدە، مۇقتاج ازاماتتاردى ەمدەۋدە ايتارلىقتاي كومەك بولا الادى»، – دەدى ارتۋر پلاتونوۆ.
"ادىرنا" ۇلتتىق پورتالى
