كەي اتا-انالار قاشىقتان وقىتۋ ءۇشىن بالالارىنا تەگىن بەرىلگەن تەحنيكانى ساتا باستادى. بۇل تۋرالى «ادىرنا» ۇلتتىق پورتالى "31" ارنانىڭ "
اتا- انالار وقۋشىعا بەرىلگەن نوۋتبۋكتاردى ساتا باستادى
15.09.2020
3171
الماتىدا سىيعا تارتقان نوۋتبۋكتى ساتۋ تۋرالى 4 حابارلاما جاريالانىپتى. الايدا كەيىنىرەك بۇل جارنامالار وشىرىلگەن. "31" ارنانىڭ ءتىلشىسى جارناما سۋرەتىن كوشىرىپ العانىن ايتىپ، فوتوداعى تەحنيكالاردىڭ ءبىرى "ساليقالى ۇرپاق" قورىنىڭ وكىلدەرى وزدەرى تارتۋ ەتكەن سىيلىق ەكەنىن انىقتادى. قايىرىمدىلىق قورى مۇقتاج وتباسىلارعا مىڭ نوۋتبۋك بەرگەن. ولارعا وتباسىلاردىڭ ءتىزىمىن الماتى جانە الماتى وبلىسىنىڭ ءبىلىم باسقارماسى ۇسىنعان. ساتىلىمداعى نوۋتبۋكتەردىڭ باعاسى ءارتۇرلى، 80 مىڭنان - 250 مىڭعا دەيىن. ارنايى وقۋشى ءۇشىن بەرىلگەن تاۋاردىڭ ساۋداسىنا بايلانىستى سول وتباسىلارعا ديرەكتور مەن الەۋمەتتىك پەداگوگ بارىپ قايتقان.
تەگىن بەرىلگەن تەحنيكانى ساتۋعا قويعان اتا انانىڭ ءبىرى التى بالانىڭ اناسى ەكەن. جۋرناليسكە بەرگەن سۇحباتىندا قارىزدارىنان قۇتىلۋ ءۇشىن نوۋتبۋكتى ساتپاق بولعانىن ايتادى.
"قارىزدارىمىز بار، كۇيەۋىمنىڭ جۇمىسىندا دا قيندىقتار بولدى، تۇرىپ جاتقان ۇيىمىزگە ءبولىپ تولەيمىز، ودان دا قارىزىمىز بار. پلانشەت مەن تەلەفون بار، نوۋتبۋك كەرەك ەمەس دەگەن وي كەلدى. ونى ساتىپ، قاجەتىمىزگە جاراتامىز دەپ ويلادىم", - دەدى كوپبالالى انا.
ەستەرىڭىزگە سالىپ وتەيىك، كوپبالالى جانە از قامتىلعان وتباسى ستاتۋسىنا جاتپايتىن وقۋشىلارعا ساباق وقۋ تەحنيكاسى ۋاقىتشا پايدالانۋعا بەرىلەدى. بۇگىنگە دەيىن الماتىداعى 53 مىڭ وقۋشى وسىنداي ۋاقىتشا بەرىلگەن تەحنيكانى پايدالانىپ وتىر.
Басқалармен бөлісе отырыңыз
پىكىرلەر
