Keı ata-analar qashyqtan oqytý úshin balalaryna tegin berilgen tehnıkany sata bastady. Bul týraly «Adyrna» ulttyq portaly "31" arnanyń "
Ata- analar oqýshyǵa berilgen noýtbýktardy sata bastady
15.09.2020
3172
Almatyda syıǵa tartqan noýtbýkti satý týraly 4 habarlama jarııalanypty. Alaıda keıinirek bul jarnamalar óshirilgen. "31" arnanyń tilshisi jarnama sýretin kóshirip alǵanyn aıtyp, fotodaǵy tehnıkalardyń biri "Salıqaly urpaq" qorynyń ókilderi ózderi tartý etken syılyq ekenin anyqtady. Qaıyrymdylyq qory muqtaj otbasylarǵa myń noýtbýk bergen. Olarǵa otbasylardyń tizimin Almaty jáne Almaty oblysynyń bilim basqarmasy usynǵan. Satylymdaǵy noýtbýkterdiń baǵasy ártúrli, 80 myńnan - 250 myńǵa deıin. Arnaıy oqýshy úshin berilgen taýardyń saýdasyna baılanysty sol otbasylarǵa dırektor men áleýmettik pedagog baryp qaıtqan.
Tegin berilgen tehnıkany satýǵa qoıǵan ata ananyń biri alty balanyń anasy eken. Jýrnalıske bergen suhbatynda qaryzdarynan qutylý úshin noýtbýkty satpaq bolǵanyn aıtady.
"Qaryzdarymyz bar, kúıeýimniń jumysynda da qındyqtar boldy, turyp jatqan úıimizge bólip tóleımiz, odan da qaryzymyz bar. Planshet men telefon bar, noýtbýk kerek emes degen oı keldi. Ony satyp, qajetimizge jaratamyz dep oıladym", - dedi kópbalaly ana.
Esterińizge salyp óteıik, kópbalaly jáne az qamtylǵan otbasy statýsyna jatpaıtyn oqýshylarǵa sabaq oqý tehnıkasy ýaqytsha paıdalanýǵa beriledi. Búginge deıin Almatydaǵy 53 myń oqýshy osyndaı ýaqytsha berilgen tehnıkany paıdalanyp otyr.
Басқалармен бөлісе отырыңыз
Pikirler
