تاي ەلىندە مەكتەپ مۇعالىمى ءۇي تاپسىرماسىن ورىنداماعان وقۋشىنى وزدىگىنشە جازالادى. ول وقۋشىدان 100 رەت وتىرىپ-تۇرۋىن تالاپ ەتكەن. الايدا بۇل وقۋشىعا اۋىر ءتيدى.
13 جاستاعا بالا مۇعالىمنىڭ بۇيرىعىمەن فيزيكالىق جاتتىعۋ جاساۋعا ءماجبۇر بولدى. سول كۇنى كەشكىلىك ول ءوزىن ناشار سەزىنىپ، ەرتەسى كوز جۇمدى. ونى جاقىندارى ءولى ۇيىندە تاپتى. دارىگەرلەر بالانىڭ جۇرەگى توقتاعانىن ايتتى. وعان اۋىر فيزيكالىق جاتتىعۋ سەبەپ بولۋى مۇمكىن.
بالانىڭ اعاسىنىڭ ايتۋىنشا، ءىنىسىن ءبىر كۇن بۇرىن عانا اۋرۋحانادان شىعارعان. ول جاتتىعۋ جاساۋعا دايىن ەمەس ەدى. مۇعالىم مۇنى بىلسە دە، جەڭىلدىك جاساماعان.
مەكتەپ باسشىلىعى بالانىڭ تۋىستارىمەن حابارلاسىپ، كەشىرىم سۇرادى.
بالانىڭ جاقىندارى بۇل وقيعانىڭ بالالاردى قاتاڭ جازالايتىن مۇعالىمدەرگە ساباق بولعانىن قالايدى.
Stan.kz
