Mير ەسىمدى سوتتالۋشى ءوزىنىڭ تەرگەۋ يزولياتورىنداعى جۇمىسى تۋرالى ايتتى.
تانىس ەمەس ادامعا سىرتى تىكەنەك سىممەن قورشالعان «تۇرمەدەن» قورقىنىشتى ورىن جوق سياقتى. ءبىز تۇرمە دەپ ايتىپ جۇرگەن بۇل ورىندى ولاي اتاماسا دا بولادى. سەبەبى جاساعان قىلمىستارىنا قاراي قاۋىپسىز بولۋ ءۇشىن كولونيالار مەن سوتتالعانداردى ۇستاۋ ءتارتىبى ءارتۇرلى. تىرشىلىكتىڭ ءتۇزۋ جولىنان اۋىتقىپ باس بوستاندىعىنان ايىرىلعان ادامداردى قايتادان قالىپتى ومىرگە قايتارۋدىڭ بىردەن ءبىر ءتاسىلى – تاربيە جۇمىسى. بۇل ورايدا سوتتالعاندارمەن ءتۇرلى باعىتتا جۇمىستار جۇرگىزىلەدى. ءبىر سوزبەن ايتقاندا ءوز تاعدىرىن ءوز قولىنا الىپ، ادام بولامىن دەگەن ادامعا مۇمكىندىك مول. مىسالى ءبىزدىڭ بۇگىنگى اڭگىمەمىزگە ارقاۋ بولىپ وتىرعان مير ەسىمدى ازامات الماتى قالاسىنداعى لا-155/18 تۇزەۋ مەكەمەسىندە جازاسىن وتەپ جاتىر. اتالعان تۇزەۋ مەكەمەسى تەرگەۋ يزولياتورى بولعاندىقتان تۇتقىندار سوتتىڭ ۇكىمىن كامەرالاردا جاتىپ كۇتەدى. مير دا سونداي جانداردىڭ ءبىرى. تەك سوتتىڭ شەشىمىمەن شىققان جازاسىن تەرگەۋ يزولياتورىندا كىتاپحاناشى بولىپ وتكەرۋدە. بۇگىندە ول كامەراداعى تۇتقىنداردىڭ اسىعا كۇتەتىن ادامى.
ءميردىڭ ءوزى اسا كولەمدە الاياقتىق جاساعانى ءۇشىن سوتتالعان. ول جابىرلەنۋشىگە الماتى قالاسىندا نارىقتاعى باعادان تومەن پاتەر الىپ بەرەمىن دەپ ۇسىنىس جاساعان. سودان سوڭ ساتىپ الۋشىلارعا ءوزى جالعا العان پاتەردى كورسەتىپ, ولاردان الدىن الا كەپىل اقشا العان.
– مەنىڭ جۇمىسىم بەكىتىلگەن كەستەگە ساي ءار بەكەتكە كىتاپ تاسۋدان باستالادى. بۇگىن مىسالى كەستە بويىنشا №8 جانە №9-شى بەكەتتەردەگى تۇتقىندارعا كىتاپ اپارامىن، بىراق كەستەدەن تىس №18-ءشى بەكەتكە دە بارامىن. سەبەبى وندا مەنىڭ تۇراقتى وقىرمانىم بەكەت كەزەكشىسى ارقىلى جاڭا كىتاپقا تاپسىرىس بەرىپ جىبەرىپتى. ياعني ماستەر ي مارگاريتانى وقىپ بىتكەن بولۋى كەرەك. كەيدە وقىرماندار سۇراعان كىتاپتىڭ ءبىر عانا داناسى بولادى دا، ولاردىڭ كەزەك كۇتۋىنە تۋرا كەلەدى. مەن تاپسىرىس بەرۋشىگە سول كىتاپتى اكەلگەندە جاۋدىرعان العىستارىن كورسەڭىز، تۋرا سولارعا سىياقى اكەلگەندەي سەزىنەمءىن – دەيدى مير.
كءىتاپتى وقۋ ءۇشىن ەمەس، كەرىسىنشە كىتاپ بەتتەرىن جىرتىپ الىپ، تەمەكى ورايتىن «وقىرماندار» دا بولادى ەكەن.
– ءارينە، ونداي جۇرەكسىز ادامدارعا ۇرسامىن، ەكىنشى رەت ول كامەراعا كىتاپ اپارمايمىن. ماعان ءوزىمنىڭ وسى جۇمىسىم ۇنايدى. ءوزىم دە سوتتىڭ ۇكىمى شىققانشا ءبىر جىلدان اسا كامەرادا وتىرعاندا، 100-دەن اسا كىتاپ وقىدىم. اي سايىن 50 000 تەڭگە ەڭبەكاقى الامىن – دەيدى تۇزەۋ مەكەمەسىنىڭ كىتاپحاناشىسى.
كامەرالارعا كىتاپ تاراتۋ بارىسىندا ەكى ايدىڭ ىشىندە 15 كىتاپ وقىعان تۇتقىنمەن اڭگىمەلەسۋدىڭ ءساتى ءتۇستى. وسى جولى دا وعان مير جاڭا كىتاپتار اكەلىپتى.
تەرگەۋ يزولياتورىندا ينتەرنەتكە قوسىلعان سمارتفون جوق. سوندىقتان تۇتقىنىنداعىلار مۇندا ۋاقىتشا جاتقانىمەن ەسكى كەزدى ەسكە ءتۇسىرىپ، نەبىر اۆتورلاردىڭ شىعارمالارىن كىتاپتان وقيدى.بۇگىنگى تاڭدا كىتاپحانا قورى 5000 كىتاپتان اسادى.
قازىر الماتى قالاسىنداعى لا-155/18 تەرگەۋ يزولياتورىندا 1300-دەن استام ادام بار, ونىڭ 8 پايىزى ايەلدەر. جىل باسىنان بەرى تەرگەۋ يزولياتورىنان 1500-دەن استام ادام بوساتىلدى.ستاتيستيكا كورسەتىپ وتىرعانداي، تەرگەۋ يزولياتورىندا جاتقانداردىڭ 22 پايىزى ۇرلىق جاساعاندار، 13 پايىزى الاياقتىق، 6 پايىزى ەسىرتكى زاتتارىنا قاتىستى قىلمىس جاساعاندار. قالعاندارى باسقا دا ءارتۇرلى باپتار بويىنشا تۇتقىنعا الىنعاندار.
الماتى قالاسى بويىنشا قاجد
