پوروشەنكونىڭ كومانداسى زەلەنسكيدى قۇلاتۋعا دايىندالۋدا

597

«ۋكراينادا پرەزيدەنت ۆلاديمير زەلەنسكيدى كۇشتەپ قۇلاتۋ پروتسەسى باستالدى، بۇل باعىتتا ونىڭ الدىنداعى پەتر پوروشەنكونىڭ كومانداسى جۇمىس ىستەۋدە»، - دەدى رادا دەپۋتاتى رەنات كۋزمين. بۇل تۋرالى «ادىرنا» ۇلتتىق پورتالى ريا نوۆوستي-گە سىلتەمە جاساپ حابارلايدى.

«مەملەكەتتىك جانە قۇقىق قورعاۋ ورگاندارىندا، سونداي-اق كۇش قۇرىلىمدارىندا، سونىڭ ىشىندە ارميادا، قازىرگى پرەزيدەنتكە نارازى جانە وزدەرىنە ىڭعايلى ۋاقىتتا مەملەكەتتىك توڭكەرىسكە قوسىلۋعا دايىن ادامداردىڭ ەداۋىر ۇلكەن توبى بار»، - دەپ مالىمدەگەن دەپۋتات Zik تەلەارناسىندا.

كۋزميننىڭ پىكىرىنشە، بۇل ادامدار بيلىكتى باسىپ الۋعا نەگىز تاپپاي وتىر، دەپۋتات «ولار ءوز ارەكەتتەرىن زاڭداستىرار ەدى» دەپ سانايدى. پوروشەنكو كومانداسى توڭكەرىس جاساۋ ءۇشىن بارلىق قاجەتتى جاعدايلاردى جاساپ جاتىر، ­- دەيدى ساياساتكەر.

ول ەكس-پرەزيدەنتتىڭ فراكتسياسى جاقىن ارادا قازىرگى ۇكىمەتتىڭ ارەكەتتەرىن تەكسەرۋ ءۇشىن تەرگەۋ كوميسسياسىن قۇرۋعا «جالعان قول جيناۋدى» ۇيىمداستىرادى جانە ساتسىزدىككە ۇشىراعاننان كەيىن قازىرگى پارلامەنتتى قابىلەتسىز دەپ ايىپتاپ، ادامداردى كوشەگە شاقىرادى دەپ بولجام ايتىپ وتىر.

كۋزميننىڭ ايتۋىنشا، مۇنداي وقيعالاردىڭ دامۋى ۋكراين قوعامىنداعى بيلىكتى قارۋلى جولمەن قۇلاتۋعا دايىن توپتارى ءۇشىن قاجەتتى سىلتاۋعا اينالۋى بەك مۇمكىن.

فوتو اشىق دەرەككوزدەن الىندى

«ادىرنا» ۇلتتىق پورتالى

پىكىرلەر
رەداكتسيا تاڭداۋى